प्रकाशित वाक्य 20:14 - चम्बयाली नौआ नियम

^14-15 जिन्ने भी लोक्कां रे नां तिस जिन्दगी री कताब बिच नी लिख्खे गेरे थिये, तिन्हा जो आग्ग रे समुंदर बिच सूटी दित्तेया गेया। तिसेरे बाद, अग्गे जो मौत नी रेई, पताल, किजोकी जिन्हा लोक्कां रे नां तिस जिन्दगी री कताब बिच लिख्खे गेरे थिये, तिन्हा जो आग्ग रे समुंदर बिच सूटी दित्तेया गेया। तिसजो ही दुई मौत बोल्लेया जांदा, आग्ग रे समुंदर बिच सजा मिलणा।

प्रकाशित वाक्य 20:14 ပူးပေါင်းရင်းမြစ်များ

1 कुरुन्थियों 15:26

ते सारेयां का आखरी दुश्मण “मौत” जो खत्म करी दैणा।

1 कुरुन्थियों 15:53

किजोकी जरुरी है कि असा रे नाशवान सरीर जे अविनाशी सरीर रे रुप बिच बदली जाण जे ना कदी मुकदे ते ना ही सड़दे।

प्रकाशित वाक्य 1:18

मैं जिंदा है। मैं मरी गेया थिया, पर अवे दिख, मैं हमेसा-हमेसा तांइ जिंदा है। मौत अते पताल जित्ते मरे रे लोक्कां री आत्मां रेह्न्दी, तिस पर मेरा हक है।

प्रकाशित वाक्य 19:20

से ड्रोणे जानवर, ते तिसेरे कन्ने से भविष्यद्वक्ता पकड़ेया गेया। झूठ्ठे भविष्यद्वक्ता ने तिस ड्रोणे जानवर रे पास्से का लोक्कां जो बड़े वरी चमत्कार दिखाए ते लोक्कां जो भटकाई दित्तेया जिन्हा ने तिस ड्रोणे जानवर री छाप लित्ती थी ते तिसेरी मूर्ति री पूजा कित्ती थी। से झूठ्ठा भविष्यद्वक्ता ते से ड्रोणा जानवर तिस आग्ग ते गन्धक रे समुंदर बिच सूटी दित्ते गे।

प्रकाशित वाक्य 2:11

जे सुनणा चाए, से ध्यान कने सुणे कि पवित्रात्मा कलीसिया जो कै बोलदा। जिन्हा लोक्कां ने दुष्ट पर जीत हासिल करणी, तिन्हा रे शरीरां जो भले ही मारी दित्ता जाए, पर तिन्हा ने हमेसा तांइ नी मरणा।”

प्रकाशित वाक्य 20:10

तिन्हेरा भड़काणे वाला शैतान आग्ग ते गधंक री तिस झील बिच जिसेरे बिच से ड्रोणे जानवर ते झूठ्ठा भविष्यद्वक्ता भी होणा पाई दित्ते जाणा: ते से रात-दिन हमेसा-हमेसा तिकर तड़पदे रैह्णा।

प्रकाशित वाक्य 21:4

परमेश्वर ने तिन्हेरी हाख्खियां का सारे आँसु पूंजी दैणे। तिसका बाद कुसकी ने कदी भी कोई दुख महसूस नी करणा, ना कुसकी ने मरणा, किजोकी अवे पुराणी दुनिया नी रैह्णी।

प्रकाशित वाक्य 21:8

पर जे मणू अप्पु पर जुल्म होणे रे डर कने मेरे पर विश्वास करणे का मुकरी जांदे, तिन्हा जो भी तिस गन्धक बिच सूटी दित्तेया जाणा। तिय्यां ही बुराई रे कम्म करणे वाले लोक्कां जो तिस गन्धक वाली आग्ग बिच सूटी दित्तेया जाणा जिन्हा ने व्यभिचार, अपणे संगी साथियां पर जादू टोणा, ते मूर्ति पूजा कित्ती हो। इसजो दुई मौत बोल्लेया जांदा।

प्रकाशित वाक्य 6:8

अते मैं दिख्खेया कि इक्क हल्के पिले रांग रा घोड़ा दिख्खेया, अते तिसेरे सवार रा नां मौत थिया, अते पताल तिसेरे पीच्छे-पीच्छे चलेया करदा थिया तिन्हा जो धरती पर रैह्णे वाले लोक्कां रे इक्क-चौथाई गिनती जो मारी रखणे रा हक मिल्ले रा थिया। तिन्हा ने लोक्कां जो तलवारां कने मारेया, तिन्हा ने लोक्कां जो भुखमरी कने मारी रख्खेया, तिन्हा ने बुरी-बुरी बिमारियां कने तिन्हा जो मारेया, तिन्हा ने जंगली जानवरा रे जरिये तिन्हा जो मारेया।