प्रकाशित वाक्य 20:11 - चम्बयाली नौआ नियम

¹¹ फिरी मैं इक्क बड्डा सफेद सिहांसन ते तिसजो, जे तिस पर बैठ्ठा रा है, तिसेरे सामणे का धरती ते आसमान नस्सी गे, ते तिन्हेरे तांइ जगाह् नी मिल्ली।

प्रकाशित वाक्य 20:11 ပူးပေါင်းရင်းမြစ်များ

मत्ती 11:22

पर मैं तुसा जो बोलदा कि हिसाब-किताब होणे वाले रोज्जे तुसा री हालत सूर अते सैदा रे सहर री तिस हालत का भी बुरी होणी जां परमेश्वर ने तिन्हा जो दंड दित्तेया थिया।

मत्ती 24:35

आसमान ते जमीन टली जाणे पर मेरी गल्लां बगैर पूरे होए नी टलणी।

मत्ती 25:31

जां मणू रे पुत्तर, जे मैं ही है, वापिस हटणा, तां अपणी महिमा बिच अपणे सब स्वर्गदूतां कने आणा, ते मैं अपणे महिमामय सिहांसन पर बेई करी सारी दुनिया रा ईसांफ करणा।

रोमियों 2:5

पर किजोकी तुसा ढीठ हिन ते अपणे पाप्पां का तौबा करणे का इन्कार करणे कने तुसा अपणे तांइ बड़ी वरी सजा कठेरेया करदे हिन। किजोकी परमेश्वर रे गुस्सा करणे रा से दिन आया करदा है, जा तिन्हेरा धार्मिक इन्साफ लोक्कां पर ज़ाहिर होणा।

2 पतरस 3:7

पर परमेश्वर अपणे हुकम कने अब्बे री जमीन ते आसमान जो बचाया करदे हिन, ताकि तिसजो बाद बिच आग्ग कने मुकाई सके। से तिन्हा जो तिस दिन रख्खेया करदे हिन जां तिन्हा ने तिन्हेरे हुकम री ना-फरमानी करणे वाले लोक्कां का हिसाब-किताब लैणा ते तिन्हा जो सजा दैणी।

प्रकाशित वाक्य 12:8

से अजगर ते तिसेरे दूत तिस लड़ाई जो हारी गे ते तिन्हा जो स्वर्ग का कड्डी दित्तेया गेया।

प्रकाशित वाक्य 16:20

तिस बेल्ले समुंद्र रे सारे टाप्पु चाणचक्के ही गुम्म होई गे, ते कोई पहाड़ नी रे थिये।

प्रकाशित वाक्य 19:11

फिरी मैं स्वर्ग जो खुले रा दिख्खेया, ते इक्क सफेद घोड़े जो खड़ित्ते रा दिख्खेया, ते तिस पर इक्क सवार है, जे भरोस्सेमंद सच्चा सेवादार है, से परमेश्वर रे दुश्मणा रे खिलाफ तिस हिसाब कने लड़दा जे परमेश्वर री नजर बिच सही है।

प्रकाशित वाक्य 20:2

तिसने अजगर जो पकड़ेया जे पैल्ले कीड़े रे रुप बिच भी जाहिर होया थिया, ते जिस जो शैतान भी बोलदे। तिस स्वर्गदूत ने तिसजो झंझिरां बिच बन्नेया तिसजो पताल बिच कैद करी दित्तेया। तिसजो कैद बिच पाणे का बाद तिसने दुआर पर निशानी लाई दित्ती ताकि तिसका बाहर आणे तांइ रस्ता ना रे, इधेरे तांइ हजार साल्लां तांइ तिसका देस-देस रे लोक्कां जो भटकाणे रा कोई रस्ता नी रेया। जां से समय मुकी जाए, तां से अजाद कित्तेया जाए, पर सिर्फ थोड़े समय तांइ।”

प्रकाशित वाक्य 21:1

फिरी मैं नौये आसमान ते नौई धरती जो दिख्खेया, किजोकी पुराणे आसमान ते पुराणी धरती मिटी गे, ते समुंदर भी नी रेया।

प्रकाशित वाक्य 21:5

तां से जे सिंहासन पर बैंदे, तिन्हा ने बोल्लेया, “ते अवे मैं हर इक्क चीज जो नौआ बनाणा!” तिन्हा ने मेरे जो ए भी बोल्लेया, “जे गल्लां मैं बोल्ले री है तिन्हा जो लिख्खी लै, तू इन्हा पर विश्वास करी सकदा किजोकी ए चीजां जरुर पूरी होणी।”

प्रकाशित वाक्य 4:2

ते फिरी मैं झट्ट ही पवित्रात्मा रे काबू बिच आई गेया, ते मैं स्वर्ग बिच इक्क सिहांसन दिख्खेया, ते तिस सिहांसन पर कोई बैठ्ठे रा थिया।

प्रकाशित वाक्य 6:14

आसमान इय्यां गायब होई गेया जिय्यां कुसकी कागज जो मोड़ी दित्ते रा हो ते सारे पहाड़ ते टाप्पु अपणी जगाह् का हटी गे।