प्रकाशित वाक्य 20:10 - चम्बयाली नौआ नियम

¹⁰ तिन्हेरा भड़काणे वाला शैतान आग्ग ते गधंक री तिस झील बिच जिसेरे बिच से ड्रोणे जानवर ते झूठ्ठा भविष्यद्वक्ता भी होणा पाई दित्ते जाणा: ते से रात-दिन हमेसा-हमेसा तिकर तड़पदे रैह्णा।

प्रकाशित वाक्य 20:10 ပူးပေါင်းရင်းမြစ်များ

मत्ती 25:41

तां मैं पुठ्ठे पास्से वालेयां लोक्कां कने बोलणा ओ अभागे लोक्कों! मेरे का दुर चली जाओ, अते जे आग्ग परमेश्वर ने शैतान ते तिसेरे दूतां तांइ तैयार कित्ती, उस हमेसा तिकर बलणे वाली आग्ग बिच पेई जाओ।

मत्ती 25:46

ते तिन्हा पुठ्ठे पास्से वाले बुरे लोक्कां ने हमेसा बलणे वाली आग्ग बिच सजा भुगतणी पर, धार्मिक सीद्दे पास्से वाले लोक्कां ने हमेसा री जिन्दगी बिच चली जाणा।

मत्ती 7:15

“झूठे भविष्यद्वक्ता का बच्ची रेयो, जे भेड़ां रे भेस अन्दर तुसा का आन्दे, पर अन्दर का से खूंखार भेड़िए सांई हिन।”

मरकुस 9:44

(ते ना जित्ते कीड़ा मरदा ते ना तित्ते आग्ग बुझदी)।

प्रकाशित वाक्य 16:13

तिसेरे बाद मैं तिस अजगर रे मुँह का ते तिस ड्रोणे जानवर रे मुँह का ते तिस झूठ्ठे भविष्यद्वक्ता रे मुँह का त्रै दुष्टात्मां जो मेढकां रे रुप बिच निकलदे दिख्खेया।

प्रकाशित वाक्य 19:20

से ड्रोणे जानवर, ते तिसेरे कन्ने से भविष्यद्वक्ता पकड़ेया गेया। झूठ्ठे भविष्यद्वक्ता ने तिस ड्रोणे जानवर रे पास्से का लोक्कां जो बड़े वरी चमत्कार दिखाए ते लोक्कां जो भटकाई दित्तेया जिन्हा ने तिस ड्रोणे जानवर री छाप लित्ती थी ते तिसेरी मूर्ति री पूजा कित्ती थी। से झूठ्ठा भविष्यद्वक्ता ते से ड्रोणा जानवर तिस आग्ग ते गन्धक रे समुंदर बिच सूटी दित्ते गे।

प्रकाशित वाक्य 9:17

मेरे जो इस दर्शन बिच घोड़े अते तिन्हेरे इदेय सवार दिस्से, जिन्हेरी झिलमे आग्ग, अते धुम्रकान्त, ते गन्धक सांई थी, अते तिन्हा घोड़ेयां रे सिर शेर रे सिरां सांई थिये, अते तिन्हेरे मुँहा का आग्ग, अते धुआं ते गन्धक निकलदा थिया।