प्रकाशित वाक्य 2:21 - चम्बयाली नौआ नियम

²¹ मैं तिसजो तिसेरे पाप्पां का तौबा करणे का मौक्का दित्तेया पर से अपणे अनैतिक कम्म करणे का बाज नी आंदी।

प्रकाशित वाक्य 2:21 ပူးပေါင်းရင်းမြစ်များ

रोमियों 9:22

परमेश्वर अपणी ताकत ते गुस्सा तिन्हा लोक्कां पर ज़ाहिर करणा चाह्‍ंदे थिये जे मुकाई दित्ते जाणे रे जोग्गे थिये, पर इसेरे बजाए परमेश्वर तिन्हा लोक्कां कने सबर कने रे।

1 पतरस 3:20

ए तिन्हा लोक्कां री आत्मां हिन जिन्हा ने लम्बे समय पैल्ले परमेश्वर रे हुकम री ना-फरमानी कित्ती थी, जां नूह अपणा जहाज बणाया करदा थिया, ते परमेश्वर इस गल्ल रा इंतजार करेया करदे थिये कि ए मणू अपणे पाप्पां का तौबा करगे कि नी। पर सिर्फ आठ्ठ मणू ही तिस भयानक बाढ़ बिच डूबणे का बचाए गे।

2 पतरस 3:15

असा रे प्रभु रे सबर जो अपणे तांइ इक्क समझो, से तुसा जो तिन्हेरे हिसाब-किताब लैणे का बचणे रा मौक्का देया करदे हिन। ए ही गल्ल असा रा संगी विश्वासी पौलुस भी तुसा जो अपणी तिस समझ रे हिसाब कने चीठ्ठी बिच लिख्खी करी समजाया करदा है जे परमेश्वर ने तिसजो दित्ते री है।

2 पतरस 3:9

किच्‍छ मणू इय्यां सोचदे कि परमेश्वर अपणे वापिस हटणे रे वादे जो पूरा करणे बिच देर करेया करदे हिन। पर परमेश्वर तिस तरिक्के कने देर नी करेया करदे हिन। बल्कि से तुसा कने सबर कने रेया करदे हिन, किजोकी से कुसकी जो मुकाणा नी चाह्‍ंदे। पर से चाह्‍ंदे कि सारे अपणे मन जो बदली करी, गलत कम्म करणा छड्डी करी, तिन्हा का आए।

प्रकाशित वाक्य 16:11

ते अपणे फोड़ेयां ते दर्द री वजह कने स्वर्ग रे परमेश्वर री बुराई कित्ती पर अपणे-अपणे कम्मां का तौबा नी कित्ती।

प्रकाशित वाक्य 16:9

मणू बड़ी गरमी कने फुकी गे ते परमेश्वर रे नां री बुराई कित्ती जिन्हा जो इन्हा मुसीबतां पर हक्क है, पर तिन्हेरी महिमा करणे तांइ मन नी लाया। पर तिन्हा ने फिरी भी अपणे पाप्पां का तौबा नी कित्ती ते परमेश्वर री अराधना नी कित्ती।