प्रकाशित वाक्य 2:20 - चम्बयाली नौआ नियम

²⁰ मेरे जो तेरे खिलाफ ए बोलणा है कि पैल्ले जमान्ने राणी ईज़ेबेल जदेई इक्क जनानी तुसा बिच-मझाट्टे है। से अप्पु जो भविष्यद्वक्तिणी बोलदी पर मेरे विश्वासियां जो झूठ्ठी शिक्षां सिखांदी। से लोक्कां जो ए खोठ्ठी गल्लां सिखाई करी भटकांदी कि हमेसा तिकर जीणे तांइ मूर्तां जो भेंट चढ़ाए री चीजां खाओ।

प्रकाशित वाक्य 2:20 ပူးပေါင်းရင်းမြစ်များ

प्रेरितां रे कम्म 15:20

पर तिन्हा जो चीठ्ठी लिख्खी भेज्जो, कि से मूर्तां जो चढ़ाई री रोट्टी तुसा जो नी लैणी चाएदी ते व्यभिचार का बची रैह्ण गला घोटी करी मारे रे जानवर रा मांस ना खाण ते खून जो कदी ना खाण,

प्रेरितां रे कम्म 15:29

कि तुसा मूर्तां जो भेंट कित्ते री रोट्टी तुसा जो नी लैणी चाएदी ते व्यभिचार का बची रेंन गला घोटी करी मारे रे जानवर रा मांस ना खाण ते खून जो कदी ना खाण। इन्हा सबका दुर रेयो तां तुसा रा भला होणा, अग्गे बिदा।

1 कुरुन्थियों 10:28

पर जे अगर कोई तुसा जो बोल्ले, ए तां मूर्ति जो भेंट कित्ते री चीज है, तां अपणे विवेक री वजह नी पर तिस बोलणे वाले रे विवेक री वजह कने से मत खाओ। किजोकी मेरी अजादी दूज्जे री सोच कने परखी नी जाणी चाएदी।

प्रकाशित वाक्य 2:14

पर मेरे जो तेरे खिलाफ किच्‍छ गल्लां बोलणी हिन, किजोकी तुसा तिन्हा लोक्कां रा विरोध नी करदे जे झूठ्ठी शिक्षा सुणांदे जिय्यां कि भविष्यद्वक्ता बिलाम ने भी बड़े पैल्ले कित्तेया थिया। बिलाम ने बलाक राज्जा जो सिखाया कि किय्यां इस्राएल रे लोक्कां का पाप कराया जाए। तिनिये लोक्कां का अनैतिक जिन्दगी जीणे ते मूर्तां जो भेंट चढ़ाए री चीजां खाणे तांइ सिखाया।

प्रकाशित वाक्य 2:4

पर मेरे जो तेरे का ए शिकायत है, तू अवे मेरे कने तिन्ना प्यार नी करदा जिन्ना तू तिस बेल्ले करदा थिया जां तू नौआ-नौआ मेरे पर विश्वास कित्तेया थिया।