प्रकाशित वाक्य 2:19 - चम्बयाली नौआ नियम

¹⁹ मैं जाणदा कि तुसा इक्क-दूए कने प्यार करदे ते तुसा मेरे पर बड़ा वरी विश्वास करदे। मैं जाणदा कि तुसा किय्यां इक्क-दूए री मदद करदे, ते तुसा रे सबर कने सहन करणे री खूबी जो भी मैं जाणदा। मैं जाणदा कि तुसा अवे ए सब किच्‍छ तिस समय का जादा करेया करदे हिन जां तुसा पैल्ली वरी मेरे पर विश्वास कित्तेया थिया।

प्रकाशित वाक्य 2:19 ပူးပေါင်းရင်းမြစ်များ

लूका 1:23

फिरी जिस बेल्ले जकरयाह रे मन्दिर बिच सेवा करणे रा बेल्ला पूरा होई गेया तां से अपणे घरे जो हटी गेया।

यूहन्ना 15:2

हर इक्क डाली जे मेरे बिच है ते जिस बिच फल्ल नी लगदा, से तिसजो बड्डी दिन्दे, अते मेरी हर इक्क डाली जो जे फलदी, से तिसजो छांटदे हिन ताकि होर जादा फल्ल लगन।

कुलुस्सियों 3:14

सबका जादा जरुरी गल्ल ए है, कि तुसा इक्क-दूए कने भरपूर प्यार करो। इय्यां करणे कने तुसा पूरे तरिक्के कने इक्क-मन होई जाणा।

1 थिस्सलुनीकियों 3:6

पर तीमुथियुस अब्बे तुसा री जगाह् का असा का पूज्जे रा है। तिसने असा जो तुसा रे विश्वास ते प्यार रा सुब बसेख भी दित्तेया। तिसने असा जो ए भी दस्सेया कि तुसा असा जो बड़ा याद करदे ते असा कने मिलणा चाह्‍ंदे जिय्यां असी भी तुसा कने मिलणा चाह्‍ंदे।

2 थिस्सलुनीकियों 1:3

ओ संगी विश्वासियों, असा जो तुसा तांइ हमेसा परमेश्वर रा शुकर करणा चाएदा। इय्यां करणा ठीक है किजोकी तुसा मसीह बिच विश्वास करणे बिच होर जादा मजबूत होया करदे हिन ते तुसा बिच आपसी प्यार भी बदेया करदा है।

1 तीमुथियुस 1:5

ए हुकम दैणे रा मकसद ए है कि तुसा साफ मन, साफ विवेक अते सच्चे विश्वास कने इक्क-दूए कने प्यार करो।

1 पतरस 4:8

अते सबका बड्डी गल्ल ए है कि इक्क-दूज्जे तांइ प्यार रखो, किजोकी प्यार अणगिणत पाप्पां जो ढक्की दिंदा

2 पतरस 1:7

ते भक्ति पर भाईचारा बधांदे रेयो, ते भाईचारे पर प्यार भी बधांदे रेयो।

2 पतरस 3:18

पर तुसा जो असा रे प्रभु ते छुटकारा दैणे वाले मसीह यीशु रे अनुग्रह रा होर भी जादा अनुभव करणा चाएदा, ते तिन्हा जो समजणे बिच होर भी जादा बधणा चाएदा। तिन्हा रा आदरमान अब्बे ते हमेसा-हमेसा तिकर हुंदा रे।

प्रकाशित वाक्य 2:13

मैं जाणदा कि तुसा रा कस्बा शैतान रे वस बिच है, पर इय्यां हुंदे होए भी तुसा ने मेरे बिच अपणा विश्वास मजबूती कने बणाई रख्खेया ते मेरे पर विश्वास करणा नी छड्डेया, तिस बेल्ले भी नी जां लम्बे समय पैल्ले अन्तिपास जो मारी दित्तेया गेया थिया। से मेरा बसेख सुनाणे बिच भरोस्सेमंद थिया, इधेरे तांइ तिसजो तुसा रे कस्बे बिच मारी रख्खेया गेया जित्ते शैतान रा काबू है।

प्रकाशित वाक्य 2:9

मैं जाणदा कि तेरे पर बड़े जुल्म होए रे हिन ते तू गरीब है। पर आत्मिक गल्लां बिच तू अमीर है। मैं तिन्हा यहूदी मणूआं जो जाणदा जे परमेश्वर रे चुणित्ते रे मणू होणे रा दावा ता करदे पर से हकीकत बिच चुणित्ते रे नी हिन। से तुसा री बुराई करदे ते से शैतान रे गुट रे मणू हिन।