प्रकाशित वाक्य 19:8 - चम्बयाली नौआ नियम

⁸ परमेश्वर ने तिसजो साफ मलमल रे कपड़े पाणे तांइ दित्ते, किजोकी तिस महीन मलमल रा मतलब परमेश्वर रे लोक्कां रे धार्मिक कम्म हिन।

प्रकाशित वाक्य 19:8 ပူးပေါင်းရင်းမြစ်များ

मत्ती 17:2

तित्ते तिन्हेरे सामणे यीशु रा रुप बदली गेया उन्हेरा मुँह सूरज साई चमकी पेया, अते तिन्हेरे कपड़े इय्यां चमके जिय्यां लौ हो।

मत्ती 22:12

तिसने तिसजो पूच्छेया, ओ दोस्त, तिज्जो जे कपड़े ब्याह बिच पाणे तांइ दित्ते गे थिये तैं से किजो नी पाए? तां तिसेरा मुँह बांद्द होई गेया।

मरकुस 9:3

अते तिन्हेरे कपड़े बड़े जादा चमकणे लग्गे, पूरी दुनिया अंदर कोई भी धोबी तिय्यां नी चमकाई सकदा।

लूका 24:4

जां से इस सोच बिच ही थी कि, तिन्हेरे का लशकदे कपड़े पाये रे दो मणू आई खड़ी होए

प्रेरितां रे कम्म 1:10

तिन्हेरे जाणे रे बेल्ले जां से आसमान पास्से दिख्खेया करदे थिये, तां चाणचक्के ही, दो मणू चिट्टे कपड़ेयां अंदर तिन्हेरे सामणे आई खड़ित्ते,

रोमियों 13:14

बल्कि प्रभु यीशु मसीह जो इक्क कवच सांई पाई लेयो, ते अपणी पाप रे स्वभाव कने जिन्दगी मत जियो।

रोमियों 3:22

मतलब जां असी मसीह यीशु बिच विश्वास करदे, तां परमेश्वर असा जो धार्मिक ठैहरांदे, ते ए मसीह यीशु बिच विश्वास करणे वाले हर इक्क मणू तांइ है। किजोकी परमेश्वर सारे मणूआं कने इक्क-बराबर ही बर्ताव करदे।

प्रकाशित वाक्य 15:4

ओ प्रभु, कुण तेरे का नी डरगा ते तेरे नां री महिमा नी करगा? किजोकी सिर्फ तू ही पवित्र है सारी जातियां आई तेरे सामणे प्रणाम करगी, किजोकी तेरे इंसाफ रे कम्म सामणे आई गेरे हिन।

प्रकाशित वाक्य 15:6

ते से सत्तों स्वर्गदूत जिन्हेरे का सत्तों मुसीबतां थी, मलमल रे साफ ते चमकदार कपड़े पाए ते छाती पर सोन्ने री पट्टियां बन्नी करी परमेश्वर रे मन्दिर का निकले।

प्रकाशित वाक्य 19:14

स्वर्ग रे मते सारे सिपाई तिसेरे पीच्छे-पीच्छे चलेया करदे थिये। से चिट्टे घोड़ेयां पर सवार थिये, ते तिन्हा ने मलमल रे चोग्गे पाए थिये जिन्हा पर कोई दाग नी थिया।

प्रकाशित वाक्य 3:18

इधेरे तांइ मैं तेरे जो सलाह दिंदा कि तू मेरे का सोन्ना खरीदी लै ताकि तू हकीकत बिच अमीर बणी जाए। तू मेरे का चिट्टे कपड़े भी खरीदी लै ताकि तू लोक्कां सामणे नंगे होणे री कने शर्मसार होणे का बची जाए। तेरे जो अपणी हाख्खियां बिच पाणे तांइ किच्‍छ दवाई भी खरीदी लैणी चाएदी ताकि तू दिख्खी सके।