प्रकाशित वाक्य 19:7 - चम्बयाली नौआ नियम

⁷ आओ, असी खुस ते मगन होण, ते तिन्हेरी तारीफ करण, किजोकी उरणू रा ब्याह नेड़े आई गे रा है, ते तिन्हेरी दुल्हन ने अप्पु जो तैयार करी लित्ते रा है।

प्रकाशित वाक्य 19:7 ပူးပေါင်းရင်းမြစ်များ

मत्ती 1:20

“जां यूसुफ इन्हा गल्लां रे बारे अन्दर सोच्चेया ही करदा थिया, तां प्रभु रा स्वर्गदूत तिसजो सुपने अन्दर आई करी बोलणा लगेया, ओ यूसुफ! दाऊद री औलाद, तू मरियम जो अपणी लाड़ी बणाणे रा का मत डर, किजोकी जे बच्चा तिसेरे पेट अन्दर है, से पवित्रात्मा रे पास्से का है।

मत्ती 22:2

स्वर्ग रा राज तिस कहाणी सांई है जिस बिच इक्क राज्जे ने अपणे मुंडे रा ब्याह तांइ बड्डी धाम दित्ती।

लूका 12:36

जिय्यां कि खरा नौक्कर ब्याह् री धाम का मालक रे वापस हटणे री भाल अन्दर हुन्दा, ताकि जिय्यां ही से आओ ते दुआर खटखटाओ तां से तिस्स ही बेल्ले तिस तांइ दुआर खोली सको, तुसा भी तिस मणू सांई बणो।

यूहन्ना 3:29

दूल्हा ही दुल्हन कने ब्याह करदा। दुल्हे रा दोस्त तिसेरे आणे रा इंतजार करदा ते जां दूल्हा ब्याह बिच पूजी जांदा तां तिसेरा दोस्त तिसेरे पुजणे री गल्ल पर खुस हुंदा। ए सुणी करी मिन्जो भी तैसी ही खुसी मिल्लेया करदी है।

2 कुरुन्थियों 11:2

मैं भी तिय्यां ही तुसा री फिकर करदा जिय्यां परमेश्वर तुसा री फिकर करदे। किजोकी मैं तुसा जो मसीह यीशु जो सौंपणे रा इराद्दा कित्ते रा है। ए तिय्यां ही है कि जिय्यां इक्क प्यो अपणी कुंआरी कुड़ी जो तिसेरे लाड़े जो ब्याह का बाद सौंपी दिंदा।

इफिसियों 5:23

किजोकी लाड़ा तिस्सी तरिक्के कने अपणी लाड़ी रा सिर है जिय्यां मसीह यीशु कलीसिया रे सिर ते छुटकारा दैणे वाले हिन जे तिन्हेरे सरीर है।

इफिसियों 5:32

ए बड़ा बड्डा राज़ है, पर मैं मसीह यीशु ते कलीसिया रे बारे बिच बोलदा।

फिलिप्पियों 3:3

हकीकत बिच तां असी परमेश्वर रे मणू हिन, ते परमेश्वर रे पवित्रात्मा रे दसणे रे हिसाब कने अराधना करदे, ते मसीह यीशु पर घमंड करदे ते असी अपणे इन्सानी कम्मां पर निर्भर नी हुंदे।

प्रकाशित वाक्य 11:13

फिरी तिस बेल्ले यरुशलेम सहर बिच इक्क बड़ा बड्डा हिलण होया, ते सहर दसमां हिस्सा छुड़की पेया, ते तिस हिलण कने सत्त हजार मणू मरी गे, ते बाकि बचे रे डरी गे, ते तिन्हा ने परमेश्वर री महिमा कित्ती जे स्वर्ग बिच हिन।

प्रकाशित वाक्य 19:9

तां स्वर्गदूत ने मेरे जो बोल्लेया ए लिख, की धन्न हिन से जे उरणू रे ब्याह रे भोज बिच सद्दे गेरे हिन फिर तिन्हा ने मेरे जो बोल्लेया ए वचन परमेश्वर रे सच्चे वचन हिन।

प्रकाशित वाक्य 21:2

मैं तिस पवित्र सहर जे यरुशलेम है, तिसजो परमेश्वर रे पास्से का स्वर्ग का उतरदे दिख्खेया। से इक्क दुल्हन सांई तैयार कित्ती गयी थी, ते सजाई भी गयी थी कि से दुल्हे कने ब्याह करे।

प्रकाशित वाक्य 21:9

फिरी जिन्हा सत्त स्वर्गदूतां का सत्त आखरी मुसीबतां कने भरे रे सत्त कटोरे थिये, तिन्हा बिच का इक्क मेरे का आया ते मेरे कने गल्लां करी के बोल्लेया, इत्ते आ, मैं तेरे जो दुल्हन मतलब उरणू री लाड़ी दिखादां।