प्रकाशित वाक्य 19:4 - चम्बयाली नौआ नियम

⁴ तां चौब्बी बुजुर्ग मणू ते चारों प्राणिया ने झुकी करी परमेश्वर री अराधना कित्ती जे सिहांसन पर बैठ्ठे रे थिये, ते बोल्लेया, आमीन! हाल्लेलुयाह!

प्रकाशित वाक्य 19:4 ပူးပေါင်းရင်းမြစ်များ

मत्ती 28:20

से सब हुकम जे मैं तुसा जो दित्ते हिन, उन्हा जो उन पर चलणा सिखाओ: अते याद रख्खो, कि मैं दुनिया रे अंत तक हमेसा तुसा रे कने है।

मत्ती 6:13

अते असा जो परखदे मत, पर शैतान का बचाई रख्खेयो, (किजोकी राज, पराक्रम ते महिमा हमेसा तुसा रा ही है, आमीन)!

1 कुरुन्थियों 14:16

वरना जे अगर तू आत्‍मा कने ही परमेश्वर री महिमा करगा तां कुसकी आम इन्सान ने तेरे शुक्रिया पर आमीन नी बोल्ली सकणा किजोकी से नी जाणदा की तू कै बोल्लेया करदा है।

प्रकाशित वाक्य 15:7

ते से सत्त स्वर्गदूत जिन्हा का से आखरी सत्त मुसीबतां थी, से तिस मन्दिर का बाहर आए। तिन्हा ने चमकिल्ले चिट्टे कपड़े पाए रे थिये ते तिन्हा ने अपणी छात्ती पर सोन्ने री पट्टी बन्ने री थी। तां तिन्हा चार प्राणियां ने तिन्हा स्वर्गदूतां जो हमेसा-हमेसा तिकर रैह्णे वाले परमेश्वर रे पास्से का इक्क सोन्ने रा डोंगा दित्तेया जे खतरनाक सजा कने भरे रा थिया।

प्रकाशित वाक्य 19:1

तिस ताकतवर स्वर्गदूत रे गल्ल पूरी करी लैणे रे बाद मैं स्वर्ग बिच मन्नों बड्डी भीड़ जो बड़ी अवाज कने ए बोलदे सूणेया, “हाल्लेलुयाह, छुटकारा ते महिमा ते ताकत असा रे परमेश्वर री ही है।

प्रकाशित वाक्य 19:3

फिरी दुसरी वरी तिन्हा ने बोल्लेया, हाल्लेलुयाह: तिसेरे फुकीणे रा धुआं हमेसा-हमेसा उठदा रैह्णा।”

प्रकाशित वाक्य 19:6

फिरी मैं बड्डी भीड़ जदेया ते बड़े झरने री अवाज ते गर्जन री अवाज सूणी, हाल्लेलुयाह: किजोकी प्रभु असा रा सर्वशक्तिमान परमेश्वर राज करदे।

प्रकाशित वाक्य 5:14

अते चारो जिऊंदे प्राणियां ने आमीन बोल्लेया, अते बुजुर्ग लोक्कां ने झुकी करी तिन्हेरी अराधना कित्ती।