प्रकाशित वाक्य 19:12 - चम्बयाली नौआ नियम

¹² तिसेरी हाख्खियां आग्ग री लपटां सांई हिन, ते तिसेरे सिर पर मते सारे राजमुकूट हिन तिस पर इक्क नां लिख्खे रा है ते तिसेरे अलावा होर कोई तिसेरा मतलब नी जाणदा।

प्रकाशित वाक्य 19:12 ပူးပေါင်းရင်းမြစ်များ

मत्ती 11:27

मेरे परम पिता ने सब किच्‍छ मेरे हवाले करी दित्तेया, अते कोई पुत्तर जो नी जाणदा, सिर्फ परम पिता जाणदा अते कोई परम पिता जो नी जाणदा, सिर्फ पुत्तर जाणदा, अते हर इक्क से मणू परम पिता जो जाणदा, जिस पर पुत्तर तिसजो जाहिर करणा चाए।

मत्ती 21:5

“सिय्योन री कुड़ी जो बोल्लो, ‘दिख्ख, तेरा राज्जा तेरे का आदां है; से नमर, ते गधे पर बैठ्ठे रा है; बल्कि लादू रे बच्चे पर।’”

मत्ती 28:18

फिरी यीशु ने उन्हेरे का जाई करी बोल्लेया, स्वर्ग ते जमीन बिच सब हक मेरे जो दित्ते गे हिन।

लूका 10:22

फिरी यीशु ने तिन्हा चेल्‍लेयां जो बोल्लेया, मेरे पिता जी ने मेरे जो सबणी चीजां पर हक्क दित्ते रा है ते पिता ही जाणदे कि पुत्तर कुण है, ते पुत्तर जो छड्डी करी होर कोई नी जाणदा कि पिता कुण है, या तिन्हेरे जो छड्डी करी से जाणी सकदे जिस जो पुत्तर पिता रे बारे अन्दर दस्सणा चांह्दा

यूहन्ना 17:11

अवे मैं दुनिया बिच नी रैह्णा, अवे मैं तुसा का आया करदा है, पर मेरे चेल्‍लेयां ने इस दुनिया बिच रैह्णा, ते मैं तुसा का आई जाणा, ओ पवित्र पिता, अवे अपणे उस नां री ताकत कने तिन्हेरी रक्षा कर जे तुसा ने मेरे जो दित्तेया है, ताकि जिय्यां मैं ते तुसा इक्क हिन, से भी इक्क होई सकण।

यूहन्ना 17:12

जां मैं तिन्हेरे कने थिया, मैं तुसा रे उस नां री ताकत कने जे तुसा ने मेरे जो दित्ते रा है, तिन्हेरी रखवाली कित्ती, सिवाय विनास रे पुत्तर जो छड्डी उन्हा बिच कोई खत्म नी होया, इधेरे तांइ कि पवित्रशास्त्र बिच लिख्खे री गल्ल पूरी हो;

इफिसियों 1:21

तित्ते मसीह जो हर तरिक्के री प्रधानी, हक, ताकत, प्रभुता ते सारे पद रे उप्पर बिठाया जे ना सिर्फ इस दुनिया रे बिच है पर से पद आणे वाली दुनिया रे बिच भी होणा।

इब्रानियों 2:9

पर असी मसीह यीशु जो दिखदे, कि परमेश्वर ने तिन्हा जो थोड़े समय तांइ स्वर्गदूतां का थोड़ा घट रख्खेया। ताकि परमेश्वर रे अनुग्रह कने से सारे लोक्कां तांइ कुर्बानी दे। परमेश्वर ने तिन्हा जो महिमा ते आदर दित्ता, किजोकी मसीह ने सारेयां तांइ जुल्म सहे ते अपणी जान दित्ती।

प्रकाशित वाक्य 1:14

तिसेरे सिर रे बाल चिट्टी ऊन या बर्फ सांई चिट्टे थिये। तिसेरी हाख्खियां आग्ग री लपटां सांई चमकेया करदी थी।

प्रकाशित वाक्य 12:3

ते इक्क होर निशानी आसमान बिच दिस्सि, अते दिखो, इक्क बड़ा बड्डा लाल अजगर थिया जे शैतान है, जिसेरे सत्त सिर अते दस्स सींग थिये, ते सिरां पर सत्त राज मुकुट थिये।

प्रकाशित वाक्य 13:1

तां मैं इक्क बड़े ड्रोणे जानवर जो समुंद्र बिच का निकलदे दिख्खेया। तिसेरे दस सींग ते सत्त सिर थिये, तिसेरे हर इक्क सिर पर इक्क मुकुट थिया, ते तिसेरे हर इक्क सिर इक्क इदेया नां लिख्खे रा थिया जे परमेश्वर तांइ बेजती है।

प्रकाशित वाक्य 19:16

तिसेरे चोग्गे ते जांग पर ए ना लिख्खे रा है: राज्जेयां रा राज्जा ते प्रभुआं रा प्रभु है।

प्रकाशित वाक्य 3:12

जिन्हा लोक्कां ने दुष्ट पर जीत हासिल करणी, तिन्हा लोक्कां ने परमेश्वर रे मन्दिर रे खम्भे सांई होणा जिन्हेरी मैं अराधना करदा, ते तिन्हा जो से जगाह् भी छडणी नी पैणी। ए दिखाणे तांइ कि से मणू मेरे हिन मैं तिन्हा पर परमेश्वर रा नां ते परमेश्वर रे सहर यरुशलेम रा नां री छाप लाणी। तिस सहर ने परमेश्वर रे पास्से स्वर्ग का उतरणा। मैं तिन्हा पर इक्क नौए नां री छाप लाणी।

प्रकाशित वाक्य 6:2

मैं दिख्खेया कि मेरे सामणे इक्क चिट्टा घोड़ा थिया ते घोड़े रे सवार ने तीर-कमाण लित्ते रा थिया तिसजो जीत रा मुकुट दित्तेया गेया अते से स्वर्ग का इय्यां निकलेया जिय्यां तिनिये पैल्ले का ही जीत हासिल करी लित्ते री है, ते अवे फिरी जितणे वाला है।