प्रकाशित वाक्य 19:11 - चम्बयाली नौआ नियम

¹¹ फिरी मैं स्वर्ग जो खुले रा दिख्खेया, ते इक्क सफेद घोड़े जो खड़ित्ते रा दिख्खेया, ते तिस पर इक्क सवार है, जे भरोस्सेमंद सच्चा सेवादार है, से परमेश्वर रे दुश्मणा रे खिलाफ तिस हिसाब कने लड़दा जे परमेश्वर री नजर बिच सही है।

प्रकाशित वाक्य 19:11 ပူးပေါင်းရင်းမြစ်များ

यूहन्ना 1:51

फिरी तिसने बोल्लेया, मैं तुसा कने सच-सच बोलदा कि तुसा स्वर्ग जो खुले रे कने परमेश्वर रे स्वर्गदूतां जो मणू रे पुत्तर, जे मैं ही है, पराले उतरदे कने उप्पर जांदे दिखणा।

यूहन्ना 14:6

यीशु ने तिसजो बोल्लेया, रस्ता अते सच्चाई ते जिन्दगी मैं ही है, बगैर मेरे कोई पिता-परमेश्वर का नी पूज्जी सकदा।

प्रकाशित वाक्य 1:5

ते मसीह यीशु रे पास्से का भी, जिन्हेरी गल्लां रा असी भरोस्सा करी सकदे। से ही हिन जे सबका पैल्ले मरणे का बाद मुर्देयां बिच का जिन्दे होई गे ते से दुनिया रे सारे राज्जेयां रे राज्जे हिन।

प्रकाशित वाक्य 11:19

ते परमेश्वर रा मन्दिर जे स्वर्ग बिच है, तिसजो खोल्लेया गेया, अते तिन्हेरे मन्दिर बिच तिन्हेरी वाचा रा सन्दूक दिस्सेया, अते बिजलियां रे कड़कणे ते अवाजां ते गड़गड़ाहट अते हिलण होये अते बड्डे बड्डे औले पे।”

प्रकाशित वाक्य 19:19

फिरी मैं तिस ड्रोणे जानवर ते धरती रे राज्जेया ते तिन्हेरी सैना जो तिस घोड़े रे सवार ते तिसेरी सैना कने लड़ने तांइ कठ्ठे दिख्खेया

प्रकाशित वाक्य 19:21

तां फिरी सफेद घोड़े रे सवार ने तिस ड्रोणे जानवर रे सपाईयां जो मारी रख्खेया, तिसने तिन्हा सारेयां जो अपणे मुँह का निकलणे वाली तलवार कने मारी रख्खेया। से पन्छी तिन्हा मरे रे सपाईयां रा रजी करी मांस खाणे तांइ आई गे।

प्रकाशित वाक्य 3:14

तिनिये मेरे जो फिरी बोल्लेया, “लौदीकिया रे सहर रे कलीसिया रे स्वर्गदूत जो ए चीठ्ठी लिख्ख, मैं आमीन है, किजोकी मैं भरोस्सेमंद है, ते मैं इस गल्ल जो साबित करदा कि परमेश्वर सच है। जे किच्‍छ भी परमेश्वर ने बणाए रा है मैं तिसेरा जरिया है। मैं तुसा जो ए बोलदा,

प्रकाशित वाक्य 3:7

तिनिये मेरे जो बोल्लेया, “फिलदिलफिया सहर रे कलीसिया रे स्वर्गदूत जो ए चीठ्ठी लिख्ख, मैं ही से पवित्र ते सच्चाई है, जिस का से चाब्बी है जे दाऊद राज्जे का थी। जां मैं चाब्बी लेई करी दुआर खोलदा, तां तिसजो कोई भी बांद्द नी करी सकदा, ते जां मैं चाब्बी लेई करी कोई दुआर बांद्द करदा, तां कोई तिसजो खोल्ली नी सकदा। मैं तेरे जो ए बोलदा,

प्रकाशित वाक्य 4:1

इन्हा गल्लां का बाद मैं दिख्खेया की, स्वर्ग रा दुआर खुल्ले रा थिया ते तित्ते कोई थिया जे मेरे कने गल्ल करेया करदा थिया, ते ए से ही जिस जो मैं पैल्ले भी सूणेया थिया, ते जिसेरी अवाज तुरही सांई सुणिंदी थी। तिनिये मेरे जो बोल्लेया, इत्ते उप्पर आई जा, मैं तिज्जो से दिखाणा जिसेरा आणे वाले बेल्ले बिच होणा पक्का है।

प्रकाशित वाक्य 6:2

मैं दिख्खेया कि मेरे सामणे इक्क चिट्टा घोड़ा थिया ते घोड़े रे सवार ने तीर-कमाण लित्ते रा थिया तिसजो जीत रा मुकुट दित्तेया गेया अते से स्वर्ग का इय्यां निकलेया जिय्यां तिनिये पैल्ले का ही जीत हासिल करी लित्ते री है, ते अवे फिरी जितणे वाला है।