प्रकाशित वाक्य 19:10 - चम्बयाली नौआ नियम10 तां मैं तिन्हा जो प्रणाम करणे तांइ तिन्हेरे पैरां पर पेई गेया, तिन्हा ने मेरे जो बोल्लेया, दिख्ख, इय्यां मत कर मैं तेरे ते तेरे भ्यालां रा संगी दास है जे यीशु री ग्वाही दैणे पर स्थिर हैं परमेश्वर जो ही प्रणाम करे: किजोकी यीशु री ग्वाही भविष्यवाणी री आत्मा है। အခန်းကိုကြည့်ပါ။ |
प्रकाशित वाक्य 19:10
40 ပူးပေါင်းရင်းမြစ်များ
यरुशलेम रे रैह्णे वाले लोक्कां ने ते तिन्हेरे अधिकारियां ने नी समजेया यीशु से ही हिन जिन्हेरे बारे बिच भविष्यद्वक्तां ने बोल्लेया थिया। पर तिन्हा जो पछानणे रे बजाए तिन्हा लोक्कां ने यीशु पर इल्जाम लाए ते इस तरिक्के कने भविष्यद्वक्तां री बोल्ली री तिन्हा गल्लां जो पूरा कित्ता जे असी हर विश्राम दिन पर पढ़दे।
चुकन्ने रेयो, ते परमेश्वर री गल्ल सुनणे का इन्कार मत करो, जे तुसा कने गल्लां करदे। किजोकी इस्राएल रे मणू परमेश्वर री सजा का नी बची सके जां तिन्हा ने मूसा रे हुकम जो मनणे का इन्कार करी दित्ता थिया, जां तिसने इस दुनिया तिन्हा जो चितौणी दित्ती थी। साफ तौर असी भी तिन्हेरी गल्ल सुनणे का इन्कार करी के सजा का नी बची सकणा, जे स्वर्ग का गल्लां करदे।
ते जिन्ने मणू परमेश्वर रे पुत्तर बिच विश्वास रखदे से तिन्हेरी गवाई पर भी विश्वास रखदे, पर जिन्हा लोक्कां ने परमेश्वर ते तिन्हेरे पुत्तर री गवाई पर विश्वास नी कित्तेया, से मणू परमेश्वर जो झूठ्ठा बणांदे, किजोकी तिन्हा लोक्कां ने परमेश्वर री गवाई पर विश्वास नी कित्तेया जे परमेश्वर ने अपणे पुत्तर रे बारे बिच दित्ते री है।
मैं यूहन्ना सबर कने तुसा कने तिन्हा जुल्मां जो सहन करणे बिच तुसा रा साथी है जे असा पर मसीह कने रिस्ता होणे री वजह हुंदे, ते मैं परमेश्वर रे राज बिच तुसा रा साथी है। परमेश्वर रा बसेख सुनाणे ते यीशु रे सच्चे वचन रा प्रचार करणे री वजह कने रोमी साम्राज्य रे अधिकारियां ने मेरे जो पतमुस टाप्पु पर भेज्जी दित्ते रा है।
ကြော်ငြာတွေ