प्रकाशित वाक्य 18:6 - चम्बयाली नौआ नियम

⁶ तिस कने तदेया ही करो जदेया तिनिये लोक्कां कने कित्तेया। जे दुख लोक्कां ने तिसेरी वजह कने सहन कित्तेया, तिसने तिसेरा दुगणा भरणा। तिनिये लोक्कां जो तिसेरे गलत कम्म चखाए, इधेरे तांइ तिसने भी परमेश्वर रा दुगणा गुस्सा बर्दाश करणा।

प्रकाशित वाक्य 18:6 ပူးပေါင်းရင်းမြစ်များ

2 तीमुथियुस 4:14

सिकंदर ठठैरे ने मेरे जो मते तरिक्केयां कने मेरे जो दुखी कित्ते रा है। प्रभु ने तिसजो तिसेरे बुरे कम्मां रे हिसाब कने बदला दैणा।

प्रकाशित वाक्य 13:10

जिन्हेरे भाग्य बिच कैद बिच पैणा है, तिन्हा ने कैद होणा ही होणा, जिन्हेरा तलवार कने मरणा तय है, तिन्हा ने तलवार कने मरणा ही मरणा। इधेरे तांइ पवित्र मणूआं रा सारी मुसीबतां जो सहन करणा ते सबर कने विश्वास बिच बणी रैह्णा जरुरी है।

प्रकाशित वाक्य 16:19

इस कने तिस बड्डे सहर बेबिलोन रे त्रै टोट्टे होई गे, ते जाति-जाति रे सहर पेई गे ते बड्डे बेबिलोन सहर जो परमेश्वर रे इत्ते याद कित्तेया गेया की से अपणे गुस्से री सराब तिसजो पिलाए।

प्रकाशित वाक्य 17:2

जिसेरे कन्ने धरती रे सारे राज्जेयां ने व्यभिचारी कित्तेया ते तिनिये धरती रे लोक्कां जो अपणी अनैतिकता री सराब कने मतवाल्ला करी दित्ते रा है।

प्रकाशित वाक्य 17:4

तिस जनानी ने बैंगणी ते लाल रांग रे कपड़े पाए रे थिये। तिनिये अपणे सरीर जो सोन्ने रे गहणे, कीमती मोत्तियां, ते रतनां कने सजाए रा थिया। तिसेरे सज्जे हत्थ बिच सोन्ने रा गलास थिया जिस बिच सराब थी, जे तिसेरे गलत कम्मां ते तिसेरे घटिया अश्लीलता रे कम्मां जो दर्शांदी थी।

प्रकाशित वाक्य 18:20

ओ स्वर्ग ते ओ परमेश्वर रे लोक्कों ते प्रेरितो ते भविष्यद्वक्ता जे तिस कने होआ, तिस पर खुस हो, किजोकी परमेश्वर ने तिसका जे किच्‍छ भी तिसने तुसा कने कित्तेया थिया, तिसेरा सही हिसाब करी के तुसा रा बदला चुकाए रा है।”