प्रकाशित वाक्य 18:24 - चम्बयाली नौआ नियम

²⁴ भविष्यद्वक्ता ते परमेश्वर रे लोक्कां ते धरती पर सारे मारे गेरे लोक्कां रा खून तिसी बिच पाया गेया।”

प्रकाशित वाक्य 18:24 ပူးပေါင်းရင်းမြစ်များ

मत्ती 23:27

ओ कपटी यहूदी धर्मशास्त्रियों! अते फरीसियों! तुसा पर लाणत है तुसा चैन कने लिपि री कब्रां सांई हिन जे बाहर का तां छैल लिबदी पर अन्दर का मरे रेयां रे हड्डियाँ अते हर तरह री गन्दगी कने भरितेरे हिन।

मत्ती 23:35

जिस कने धार्मिक हाबिल का लेई करी बिरिक्याह रे पुत्तर जकरयाह तांइ, जिस जो तुसा मन्दिर अते वेदी रे मझाटे मारी रख्खेया थिया, जितणे धार्मिक लोक्कां रा खून धरती पर होए रा है उन्हा सब री सजा तुसा जो मिलणी।

प्रेरितां रे कम्म 7:52

भविष्यद्वक्ता बिच का कुस जो तुसा रे बाबे-दादेयां ने नी तगं कित्ता? तिन्हा ने तिस धार्मिक रे आणे री खबर दैणे वाले तिन्हा पैल्ले जमाने रे लोक्कां जो मारी रख्खेया ते जां मसीह आए तां तुसा तिन्हा जो पकड़वाई करी मरवाई रखणे वाले मणू हिन।

1 थिस्सलुनीकियों 2:15

जिन्हा ने प्रभु यीशु ते भविष्यद्वक्ता जो भी मारी रख्खेया ते असा पर भी जुल्म करेया करदे हिन, पर परमेश्वर तिन्हा का खुस नी, ते से सारे मणूआं रा विरोध करदे,

प्रकाशित वाक्य 11:7

जां से दो गवाह अपणी गवाई देई बैह्णा, तां तिस ड्रोणे जानवर ने जिनिये पताल बिच का निकलणा, तिस कने लड़ी करी तिन्हा का जीत्ती जाणा ते तिन्हा जो मारी रखणा।

प्रकाशित वाक्य 16:6

किजोकी तिन्हा ने परमेश्वर रे लोक्कां ते भविष्यद्वक्तां रा खून बहाया थिया ते तुसा ने तिन्हा जो खून पुआया किजोकी से इसी जोग्गे हिन।

प्रकाशित वाक्य 17:6

ते मैं दिख्खेया कि से जनानी परमेश्वर रे लोक्कां रे खून कने इदेइ मतवाल्ली होए री थी कि जिय्यां मणू सराब पीणे कने हुंदे, तिन्हा लोक्कां रे खून कने जे इधेरे तांइ मारे गे किजोकी से परमेश्वर तांइ भरोस्सेमंद थिये। मेरे जो बड़ा वरी दुख होया।”

प्रकाशित वाक्य 19:2

किजोकी तिन्हेरे फैसले सच्चे ते ठीक हिन तिन्हा ने तिस बड्डी वेश्या रा, जे अपणे व्यभिचार कने धरती जो भ्रष्ट करदी थी, इंसाफ कित्ता ते तिसका अपणे दासां रे खून रा बदला लित्तेया।