प्रकाशित वाक्य 18:21 - चम्बयाली नौआ नियम

²¹ फिरी इक्क ताकतवर स्वर्गदूत ने बड़ी चक्की रे बट्टे सांई इक्क बट्टा चुक्केया ते ए बोल्ली करी समुदंर बिच सूटी दित्तेया, “तिस बड्डे सहर बेबिलोन ने बड़ी तबाही कने बर्बाद होई जाणा। तिस सहर ने फिरी कदी भी पैल्ले सांई ठीक नी होणा।

प्रकाशित वाक्य 18:21 ပူးပေါင်းရင်းမြစ်များ

प्रकाशित वाक्य 10:1

फिरी मैं इक्क होर तकड़े स्वर्गदूत जो बद्दलां कने घिरे रे ते स्वर्ग का उतरदे दिख्खेया, तिसेरे सर रे चारो पास्से मेघधनुष थिया, अते तिसेरा मुँह सूरज सांई अते तिसेरे पैर आग्ग रे खम्भे सांई थिये।

प्रकाशित वाक्य 12:8

से अजगर ते तिसेरे दूत तिस लड़ाई जो हारी गे ते तिन्हा जो स्वर्ग का कड्डी दित्तेया गेया।

प्रकाशित वाक्य 16:20

तिस बेल्ले समुंद्र रे सारे टाप्पु चाणचक्के ही गुम्म होई गे, ते कोई पहाड़ नी रे थिये।

प्रकाशित वाक्य 18:10

तिन्हा ने तिसेरे दुख मुसीबतां रे डर बिच शामिल होणे रे डर कने दुर ही खड़िणा, लाणत है, लाणत है, परमेश्वर ने अचानक ही तेरे का हिसाब-किताब लित्तेया।”

प्रकाशित वाक्य 18:22

तू, बाबेल सहर, तेरे अंदर कुसकी जो भी वीणा बजांदे या गांदे नी सूणेया जाणा। तेरे अंदर कुसकी जो भी बाँसुरी ते तुरही बजांदे नी सूणेया जाणा। तिय्यां ही तेरे अंदर कुसकी भी तरिक्के रा कोई भी व्यापारी नी मिलणा। तेरे अंदर चक्की री अवाज भी नी सुनिणी।

प्रकाशित वाक्य 20:11

फिरी मैं इक्क बड्डा सफेद सिहांसन ते तिसजो, जे तिस पर बैठ्ठा रा है, तिसेरे सामणे का धरती ते आसमान नस्सी गे, ते तिन्हेरे तांइ जगाह् नी मिल्ली।

प्रकाशित वाक्य 5:2

फिरी मैं इक्क ताकतवर स्वर्गदूत जो दिख्खेया, जे ऊच्ची अवाज बिच ए एलान करेया करदा थिया कि इस कताब जो खोलणे अते इसेरी सत्त मौहरे तोड़ने रे लायक कुण है?