प्रकाशित वाक्य 18:20 - चम्बयाली नौआ नियम

²⁰ ओ स्वर्ग ते ओ परमेश्वर रे लोक्कों ते प्रेरितो ते भविष्यद्वक्ता जे तिस कने होआ, तिस पर खुस हो, किजोकी परमेश्वर ने तिसका जे किच्‍छ भी तिसने तुसा कने कित्तेया थिया, तिसेरा सही हिसाब करी के तुसा रा बदला चुकाए रा है।”

प्रकाशित वाक्य 18:20 ပူးပေါင်းရင်းမြစ်များ

इफिसियों 2:20

कन्ने मिली करी असी परमेश्वर रा घर हिन जे प्रेरितां ते भविष्यद्वक्तां री नीं पर बणे रा है ते तिस नीं रा पत्थर अप्पु मसीह यीशु हिन।

इफिसियों 3:5

पैल्ले समय बिच परमेश्वर ने अपणाए राज़ कुसकी पर भी ज़ाहिर नी कित्ते रा थिया, पर अवे तिन्हा ने इसजो अपणे पवित्र प्रेरितां ते भविष्यद्वक्तां पर पवित्रात्मा रे जरिये ज़ाहिर कित्ते रा है।

इफिसियों 4:11

मसीह यीशु ने ही ए बखरे-बखरे दान दित्ते, तिन्हा ने किच्‍छ जणेया जो प्रेरित ठैहराया, ते किच्‍छ जणेया जो भविष्यद्वक्ता ठैहराया, ते थोड़े जणेया जो सुब बसेख सुनाणे वाले ठैहराया, ते किच्‍छ जणेया जो पादरी ते उपदेस दैणे वाले ठैहराया रा है।

2 पतरस 3:2

मैं ए इधेरे तांइ करेया करदा है किजोकी मैं चाह्‍ंदा कि तुसा से गल्लां याद करो जे परमेश्वर रे भविष्यद्वक्ता ते असा जो छुटकारा दैणे वाले असा रे प्रभु मसीह यीशु ने लम्बे समय पैल्ले बोल्ली थी, जे तुसा जो प्रेरितां ने भी सिखाई थी जे तुसा का आए थिये।

यहूदा 1:17

ओ प्यारे दोस्तों, मसीह यीशु री तिन्हा गल्लां जो याद रख्खो जे बड़े पैल्ले तुसा जो तिन्हेरे प्रेरितां रे जरिये पैल्ले दस्सी गे थी।

प्रकाशित वाक्य 12:12

इस वजह कने, खुस हो कि तुसा इत्ते स्वर्ग बिच रैह्‍न्दे। पर तुसा धरती ते समुंद्र पर रैह्णे वाले लोक्कां री हालत पर तरस आंदा किजोकी शैतान अवे तुसा थल्ले तुसा का आई गे रा है। से बड़े जादा गुस्से बिच है किजोकी से जाणदा कि तिसेरा अंत बड़े तौले आणे वाला है।

प्रकाशित वाक्य 18:6

तिस कने तदेया ही करो जदेया तिनिये लोक्कां कने कित्तेया। जे दुख लोक्कां ने तिसेरी वजह कने सहन कित्तेया, तिसने तिसेरा दुगणा भरणा। तिनिये लोक्कां जो तिसेरे गलत कम्म चखाए, इधेरे तांइ तिसने भी परमेश्वर रा दुगणा गुस्सा बर्दाश करणा।

प्रकाशित वाक्य 6:10

से जोरे सणे हक्क देई करी बोल्लेया करदे थिये, ओ पवित्र अते सच्चे प्रभु, तुसा किजो धरती पर रैह्णे वाले पाप्पी लोक्कां जो सजा दैणे बिच इन्ना इंतजार करेया करदे हिन? असी छंदे करदे कि तुसा तिन्हा लोक्कां रे बर्ताव तांइ बदला लेयो जिन्हा ने असा रा खून करी रख्खेया।