प्रकाशित वाक्य 18:18 - चम्बयाली नौआ नियम

¹⁸ तिसेरे फुकीणे रे धुआं दिख्खी करी हाक्क लाई करी बोलणा लग्गे, “कोई भी सहर इस बड्डे सहर सांई नी थिया।”

प्रकाशित वाक्य 18:18 ပူးပေါင်းရင်းမြစ်များ

प्रकाशित वाक्य 13:4

ते तिन्हा ने अजगर री पूजा कित्ती, किजोकी तिसने जानवर जो अपणा हक देई दित्तेया थिया, अते ए बोल्ली करी ड्रोणे जानवर री अराधना कित्ती, कि इस जानवर रे बराबर कुण है? कुण तिस जानवर कने लड़ी सकदा? परमेश्वर ने तिसजो अपणी बताली महिन्ने तांइ बोलणे ते तिन्हेरी बेजती करणे री अनुमती दित्ती।

प्रकाशित वाक्य 14:11

तिन्हेरी पीड़ा रा धुआं, हमेसा तांइ उठदा रैह्णा, ते जे तिस जानवर अते तिसेरी मूर्ति री अराधना करदे हिन, अते जे तिसेरे नां ही छापी लिंदे हिन, तिन्हा जो रात दिन चैन नी मिलणा।

प्रकाशित वाक्य 16:19

इस कने तिस बड्डे सहर बेबिलोन रे त्रै टोट्टे होई गे, ते जाति-जाति रे सहर पेई गे ते बड्डे बेबिलोन सहर जो परमेश्वर रे इत्ते याद कित्तेया गेया की से अपणे गुस्से री सराब तिसजो पिलाए।

प्रकाशित वाक्य 18:16

लाणत है, लाणत है, ए बड्डा सहर जिनिये बैंगणी ते लाल रगं रे कपड़े पाए रे थिये ते सोन्ने ते रतनां ते मोतियां कने सजे रा थिया,