प्रकाशित वाक्य 18:17 - चम्बयाली नौआ नियम

¹⁷ बेबिलोन सहर इक्क ही घड़ी बिच ही तिसेरा इदेया वरी जायदाद मुकी गयी, हर इक्क जहाज रा मुखिया ते यात्री ते मल्लाह ते जिन्ने भी मणू समुंद्र का कमादें, से सारे दुर खड़ी करी,

प्रकाशित वाक्य 18:17 ပူးပေါင်းရင်းမြစ်များ

प्रेरितां रे कम्म 27:11

पर हाकिम ने पौलुस री गल्लां का कप्तान ते जहाज रे मालक री गल्लां जो जादा बधी करी मन्नेया

प्रकाशित वाक्य 17:12

जे दस सिगं तैं दिख्खे से दस राज्जे हिन जिन्हा ने हल्ले तिकर राज करणा सुरु नी कित्तेया, पर तिस ड्रोणे जानवर कने थोड़ी देर तांइ राज्जेयां सांई हक्क पाणा।

प्रकाशित वाक्य 17:16

से समय आणा जां तिस ड्रोणे जानवर ते तिन्हा दस राज्जेयां ने, जे अब्बे तिस कने हिन, पर बाद बिच तिस कने नफरत करणी जे तिन्हेरे उप्पर बैठ्ठे री है। तिन्हा ने तिस पर हमला करणा, तिसेरे मांस जो खाई रखणा ते बाक्की रा फुक्की रखणा।

प्रकाशित वाक्य 18:19

तिन्हा ने अपणा दुख जताणे तांइ अपणे-अपणे सिरां पर धूड़ पाणी, ते रौंदे पिटिंदे होए लेरां मारी-मारी करी बोलणा, “लाणत है, लाणत है बड्डे सहर तेरे बड़ी वरी जायदाद री वजह कने, जिस कुसकी का भी समुंदर बिच जहाज थिये, से अमीर बणी गे। थोड़े ही समय बिच तिनिये अपणी सारी जायदाद गवाई दित्ती।