प्रकाशित वाक्य 18:16 - चम्बयाली नौआ नियम

¹⁶ लाणत है, लाणत है, ए बड्डा सहर जिनिये बैंगणी ते लाल रगं रे कपड़े पाए रे थिये ते सोन्ने ते रतनां ते मोतियां कने सजे रा थिया,

प्रकाशित वाक्य 18:16 ပူးပေါင်းရင်းမြစ်များ

प्रकाशित वाक्य 17:3

तां पवित्रात्मा री मदद कने स्वर्गदूत मेरे जो बियाबान बिच लेई गेया, ते मैं इक्क जनानी जो लाल रांग रे ड्रोणे जानवर री सवारी करदे दिख्खेया। तिसेरे सत्त सिर ते दस सींग थिये। तिसेरे पूरे सरीर पर इदेय नां लिखित्ते रे थिये जिस कने परमेश्वर री बेजती हुंदी हो।

प्रकाशित वाक्य 17:4

तिस जनानी ने बैंगणी ते लाल रांग रे कपड़े पाए रे थिये। तिनिये अपणे सरीर जो सोन्ने रे गहणे, कीमती मोत्तियां, ते रतनां कने सजाए रा थिया। तिसेरे सज्जे हत्थ बिच सोन्ने रा गलास थिया जिस बिच सराब थी, जे तिसेरे गलत कम्मां ते तिसेरे घटिया अश्लीलता रे कम्मां जो दर्शांदी थी।

प्रकाशित वाक्य 18:18

तिसेरे फुकीणे रे धुआं दिख्खी करी हाक्क लाई करी बोलणा लग्गे, “कोई भी सहर इस बड्डे सहर सांई नी थिया।”

प्रकाशित वाक्य 18:19

तिन्हा ने अपणा दुख जताणे तांइ अपणे-अपणे सिरां पर धूड़ पाणी, ते रौंदे पिटिंदे होए लेरां मारी-मारी करी बोलणा, “लाणत है, लाणत है बड्डे सहर तेरे बड़ी वरी जायदाद री वजह कने, जिस कुसकी का भी समुंदर बिच जहाज थिये, से अमीर बणी गे। थोड़े ही समय बिच तिनिये अपणी सारी जायदाद गवाई दित्ती।