प्रकाशित वाक्य 18:15 - चम्बयाली नौआ नियम

¹⁵ इन्हा चीजां रे व्यापारी जे तिसेरे जरिए तिस सहर बिच अमीर होई गेरे थिये, तिसेरी दुख-मुसीबतां बिच शामिल होणे रे डर कने दुर ही खड़ी करी रौंदे-पटिंदे होए बोलगे,

प्रकाशित वाक्य 18:15 ပူးပေါင်းရင်းမြစ်များ

मरकुस 11:17

अते यीशु ने तिन्हा लोक्कां जो बोल्लेया, “पवित्रशास्त्र अंदर लिख्खे रा है, ‘कि मेरा मन्दिर देस-देस रे लोक्कां तांइ प्रार्थना रा मन्दिर बोल्लेया जाणा’ पर तुसा ने इसजो डाकुआं रा अड्डा बणाई दित्ते रा है।”

प्रेरितां रे कम्म 16:19

जां तिसेरे मालकां ने दिख्खेया कि असा री कमाई री आस पर तां पाणी फिरी गेया, तां पौलुस ते सीलास जो पकड़ी करी बजार बिच अधिकारियां का धरीड़ी करी लेई गे

प्रकाशित वाक्य 18:12

तिन्हेरा माल मते तरिक्के रा थिया, जिय्यां कि सोन्ना, चादीं, रतन ते मोती ते मलमल ते बैजंनी रेशमी ते लाल रगं रे कपड़े ते हर तरिक्के खुशबूदार लकड़ी ते हाथी रे दांद्द री हर तरिक्के री चीजां ते कीमती लकड़ी ते पीतल ते लोहे ते सगंमरमर री हर तरिक्के री चीजां।

प्रकाशित वाक्य 18:13

दालचीनी, मसाल्ले, धूप, इत्र, लोबान, सराब, तेल, मैदा, कणक, गाय-बैल, भेड़-बकरी, घोड़े-रथ ते व्यापारी मणू अवे लोक्कां जो गुलाम्मां रे तौर पर नी बेच्ची सकदे थिये।”

प्रकाशित वाक्य 18:14

अवे तिन्हा व्यापारियां ने तिस कने बोलणा “तेरे दिल जो भाणे वाले फल्ल तेरे का जान्दे रे ते स्वादिष्ट ते भड़किली चीजां तेरे का दुर होई री हिन ते से फिरी कदी नी मिलणी।”

प्रकाशित वाक्य 18:19

तिन्हा ने अपणा दुख जताणे तांइ अपणे-अपणे सिरां पर धूड़ पाणी, ते रौंदे पिटिंदे होए लेरां मारी-मारी करी बोलणा, “लाणत है, लाणत है बड्डे सहर तेरे बड़ी वरी जायदाद री वजह कने, जिस कुसकी का भी समुंदर बिच जहाज थिये, से अमीर बणी गे। थोड़े ही समय बिच तिनिये अपणी सारी जायदाद गवाई दित्ती।