प्रकाशित वाक्य 17:9 - चम्बयाली नौआ नियम

⁹ तेरे जो इन्हा निशानियां जो समझाणे तांइ बड़ी समजदारी कने सोचणा जरुरी है। तिस जानवर रे सत्त सिर तिन्हा सत्त पहाड़ां जो दर्शांदे जित्ते से जनानी राज करदी। से सत्त राज्जेयां जो भी दर्शांदे।

प्रकाशित वाक्य 17:9 ပူးပေါင်းရင်းမြစ်များ

मत्ती 13:11

यीशु ने जवाब दित्तेया, तुसा जो स्वर्ग रे राज रे भेदां री समझ दित्ती गे री है, पर इन्हा जो नी।

मत्ती 24:15

इधेरे तांइ जां तुसा तिस उजाड़ने वाली तिस घटिया चीज जो दिख्खो जिसेरी गल्ल दानिय्येल भविष्यद्वक्ता रे जरिए सुणे री थी, पवित्र जगाह् पर खड़ित्ते रे दिख्खो (जे पढे, से समजे)।

प्रकाशित वाक्य 13:1

तां मैं इक्क बड़े ड्रोणे जानवर जो समुंद्र बिच का निकलदे दिख्खेया। तिसेरे दस सींग ते सत्त सिर थिये, तिसेरे हर इक्क सिर पर इक्क मुकुट थिया, ते तिसेरे हर इक्क सिर इक्क इदेया नां लिख्खे रा थिया जे परमेश्वर तांइ बेजती है।

प्रकाशित वाक्य 13:18

ज्ञान इस्सी बिच है, जिस जो समझ हो, से इस जानवर रा अंक जोड़ी लेंन, किजोकी मणू रा अंक है, ते तिसेरा अंक छे सौ छियाह्ठ है।

प्रकाशित वाक्य 17:3

तां पवित्रात्मा री मदद कने स्वर्गदूत मेरे जो बियाबान बिच लेई गेया, ते मैं इक्क जनानी जो लाल रांग रे ड्रोणे जानवर री सवारी करदे दिख्खेया। तिसेरे सत्त सिर ते दस सींग थिये। तिसेरे पूरे सरीर पर इदेय नां लिखित्ते रे थिये जिस कने परमेश्वर री बेजती हुंदी हो।

प्रकाशित वाक्य 17:7

तां तिस स्वर्गदूत ने मेरे जो बोल्लेया तू तिसजो दिख्खी करी हैरान मत हो। मैं इस जनानी ते तिस ड्रोणे जानवर रा जिस पराल्ले से सवार है जिसेरे सत्त सिर ते दस सिगं हिन तेरे जो तिस राज़ रा मतलब दसदा।