प्रकाशित वाक्य 17:6 - चम्बयाली नौआ नियम

⁶ ते मैं दिख्खेया कि से जनानी परमेश्वर रे लोक्कां रे खून कने इदेइ मतवाल्ली होए री थी कि जिय्यां मणू सराब पीणे कने हुंदे, तिन्हा लोक्कां रे खून कने जे इधेरे तांइ मारे गे किजोकी से परमेश्वर तांइ भरोस्सेमंद थिये। मेरे जो बड़ा वरी दुख होया।”

प्रकाशित वाक्य 17:6 ပူးပေါင်းရင်းမြစ်များ

यूहन्ना 2:10

सारे जणे पैल्ले बदिया वाला अंगूर रा रस्स दिंदे ते जिस बेल्ले मणू पी करी रजी जान्दे तां तिसका हल्का दाखरस दिंदे पर तू बदिया वाली दाखरस अब्बे तक रख्खी छड्डे रा है।

प्रेरितां रे कम्म 22:20

जां तेरे गवाह स्तिफनुस रा खून रुड़ेया करदा थिया तां मैं भी तित्ते खड़ित्ते रा थिया ते इस गल्ल कने सहमत थिया, अते तिसजो बट्टे मारणे वालेयां रे चोग्गे जो सम्भालेया करदा थिया।

प्रकाशित वाक्य 12:11

ते तिस “उरणू रे बच्चे” रे खून री वजह कने, अते अपणी गवाई रे वचन री वजह कने, तिस पर जयवन्त होये, अते तिन्हा ने अपणे प्राणां जो प्यारे नी जाणी के, इत्ते तक की मौत भी सहन करी लित्ती।

प्रकाशित वाक्य 13:15

तिसजो उस जानवर री मूर्ति बिच जान पाणे रा हक दित्तेया गेया, कि जानवर मूर्ति बोलणे लग्गी पे, अते जितणे मणू उस जानवर री मूर्ति री पूजा नी करगे, तिन्हा जो मारी दैण।

प्रकाशित वाक्य 13:7

तिस ड्रोणे जानवर जो ए हक दित्तेया गेया, कि पवित्र मणूआं कने लड़े, ते तिन्हा जो हराई दे, अते तिसजो हर इक्क जाति, कुल, देस, ते भाषा पर हक दित्तेया गेया।

प्रकाशित वाक्य 16:6

किजोकी तिन्हा ने परमेश्वर रे लोक्कां ते भविष्यद्वक्तां रा खून बहाया थिया ते तुसा ने तिन्हा जो खून पुआया किजोकी से इसी जोग्गे हिन।

प्रकाशित वाक्य 2:13

मैं जाणदा कि तुसा रा कस्बा शैतान रे वस बिच है, पर इय्यां हुंदे होए भी तुसा ने मेरे बिच अपणा विश्वास मजबूती कने बणाई रख्खेया ते मेरे पर विश्वास करणा नी छड्डेया, तिस बेल्ले भी नी जां लम्बे समय पैल्ले अन्तिपास जो मारी दित्तेया गेया थिया। से मेरा बसेख सुनाणे बिच भरोस्सेमंद थिया, इधेरे तांइ तिसजो तुसा रे कस्बे बिच मारी रख्खेया गेया जित्ते शैतान रा काबू है।