प्रकाशित वाक्य 17:4 - चम्बयाली नौआ नियम

⁴ तिस जनानी ने बैंगणी ते लाल रांग रे कपड़े पाए रे थिये। तिनिये अपणे सरीर जो सोन्ने रे गहणे, कीमती मोत्तियां, ते रतनां कने सजाए रा थिया। तिसेरे सज्जे हत्थ बिच सोन्ने रा गलास थिया जिस बिच सराब थी, जे तिसेरे गलत कम्मां ते तिसेरे घटिया अश्लीलता रे कम्मां जो दर्शांदी थी।

प्रकाशित वाक्य 17:4 ပူးပေါင်းရင်းမြစ်များ

प्रकाशित वाक्य 14:8

फिरी इसेरे बाद इक्क होर दुज्जा स्वर्गदूत बोलदा आया, कि अवे बर्बाद होई गेया, से बड्डा बेबिलोन सहर अवे बर्बाद होई गेया। बेबिलोन सहर ने अपणे व्यभिचार रे कम्मां कने सारी दुनिया रे देसां जो भ्रष्ट करी दित्तेया। ए इदेया थिया तिसने सारेयां जो सराब पुआई, ते अवे तिसेरी वजह कने परमेश्वर ने तिन्हा सारेयां जो सजा दैणी।

प्रकाशित वाक्य 18:12

तिन्हेरा माल मते तरिक्के रा थिया, जिय्यां कि सोन्ना, चादीं, रतन ते मोती ते मलमल ते बैजंनी रेशमी ते लाल रगं रे कपड़े ते हर तरिक्के खुशबूदार लकड़ी ते हाथी रे दांद्द री हर तरिक्के री चीजां ते कीमती लकड़ी ते पीतल ते लोहे ते सगंमरमर री हर तरिक्के री चीजां।

प्रकाशित वाक्य 18:16

लाणत है, लाणत है, ए बड्डा सहर जिनिये बैंगणी ते लाल रगं रे कपड़े पाए रे थिये ते सोन्ने ते रतनां ते मोतियां कने सजे रा थिया,

प्रकाशित वाक्य 19:2

किजोकी तिन्हेरे फैसले सच्चे ते ठीक हिन तिन्हा ने तिस बड्डी वेश्या रा, जे अपणे व्यभिचार कने धरती जो भ्रष्ट करदी थी, इंसाफ कित्ता ते तिसका अपणे दासां रे खून रा बदला लित्तेया।

प्रकाशित वाक्य 21:21

बारो दुआर बारा मोतियां रे थिये। इक्क-इक्क दरवाज्जे इक्क-इक्क मोती रा बणे रा थिया नगर री सड़क साफ सीसे सांई साफ सोन्ने री थी।

प्रकाशित वाक्य 9:21

ते जे खून, टोणा, व्यभिचार, चोरियां, उन्हा ने कित्ती थी, तिन्हा का तौबा नी कित्ती।