प्रकाशित वाक्य 17:3 - चम्बयाली नौआ नियम

³ तां पवित्रात्मा री मदद कने स्वर्गदूत मेरे जो बियाबान बिच लेई गेया, ते मैं इक्क जनानी जो लाल रांग रे ड्रोणे जानवर री सवारी करदे दिख्खेया। तिसेरे सत्त सिर ते दस सींग थिये। तिसेरे पूरे सरीर पर इदेय नां लिखित्ते रे थिये जिस कने परमेश्वर री बेजती हुंदी हो।

प्रकाशित वाक्य 17:3 ပူးပေါင်းရင်းမြစ်များ

मत्ती 27:28

ते तिन्हेरे कपड़े उतरवाई करी तिन्हेरे जो लाल रगं रा बागा पुआया,

प्रेरितां रे कम्म 8:39

जां से पाणी बिच निकली करी उप्पर आये तां प्रभु रा आत्‍मा फिलिप्पुस चुकी करी लेई गे, ते किन्नर ने फिरी तिसजो नी दिख्खेया, ते से खुसी मणादें-मणादें अपणे देस जो हटी गेया।

2 थिस्सलुनीकियों 2:4

तिनिये परमेश्वर रे ते हर इक्क तिस चीज रे खिलाफ होणा मणू जिसेरी अराधना करदे ते तिनिये ए दावा करणा कि से तिन्हा सारेयां का जादा बड्डा है। इत्ते तिकर कि तिस दुष्ट ने मन्दिर बिच भी बेई जाणा ते सारेयां जो ए बोलणा कि से अप्पु ही परमेश्वर है।

प्रकाशित वाक्य 1:10

इतवार रे दिन पर, जे प्रभु रा दिन है, मैं पवित्रात्मा रे ताकत रे वस बिच थिया। मैं अपणे पीच्छे का इक्क अवाज जो किच्‍छ बोलदे सूणेया, से अवाज कुसकी तुरही सांई बड़ी तेज थी।

प्रकाशित वाक्य 12:14

पर तिस जनानी जो इल्लण रे दो पंख दित्ते गे, कि से तिस कीड़े का बचणे तांइ उड़ी करी बियाबान बिच तिस जगाह् बिच पूजी जाये, जित्ते से इक्क समय, अते बेल्ले यां, अते अद्दे समय तिकर तिसेरा ध्यान रख्खेया जाये।

प्रकाशित वाक्य 12:3

ते इक्क होर निशानी आसमान बिच दिस्सि, अते दिखो, इक्क बड़ा बड्डा लाल अजगर थिया जे शैतान है, जिसेरे सत्त सिर अते दस्स सींग थिये, ते सिरां पर सत्त राज मुकुट थिये।

प्रकाशित वाक्य 12:6

से जनानी बियाबान बिच इक्क इदेइ जगाह् पास्से नह्सी गयी जे परमेश्वर ने तिसेरे रैह्णे तांइ तैयार कित्तेया थिया, जित्ते बारा सौ साठ्ठ दिनां तांइ तिस जनानी रा ध्यान रख्खेया जाणा।

प्रकाशित वाक्य 17:4

तिस जनानी ने बैंगणी ते लाल रांग रे कपड़े पाए रे थिये। तिनिये अपणे सरीर जो सोन्ने रे गहणे, कीमती मोत्तियां, ते रतनां कने सजाए रा थिया। तिसेरे सज्जे हत्थ बिच सोन्ने रा गलास थिया जिस बिच सराब थी, जे तिसेरे गलत कम्मां ते तिसेरे घटिया अश्लीलता रे कम्मां जो दर्शांदी थी।

प्रकाशित वाक्य 18:12

तिन्हेरा माल मते तरिक्के रा थिया, जिय्यां कि सोन्ना, चादीं, रतन ते मोती ते मलमल ते बैजंनी रेशमी ते लाल रगं रे कपड़े ते हर तरिक्के खुशबूदार लकड़ी ते हाथी रे दांद्द री हर तरिक्के री चीजां ते कीमती लकड़ी ते पीतल ते लोहे ते सगंमरमर री हर तरिक्के री चीजां।

प्रकाशित वाक्य 18:16

लाणत है, लाणत है, ए बड्डा सहर जिनिये बैंगणी ते लाल रगं रे कपड़े पाए रे थिये ते सोन्ने ते रतनां ते मोतियां कने सजे रा थिया,

प्रकाशित वाक्य 21:10

तां स्वर्गदूत मेरे जो पवित्रात्मा री ताकत कने इक्क बड्डे ते उच्चे पहाड़ पर लेई गेया, ते पवित्र नगर यरुशलेम सहर जो स्वर्ग का परमेश्वर रे नेड़े का उतरदे दिखाया।

प्रकाशित वाक्य 4:2

ते फिरी मैं झट्ट ही पवित्रात्मा रे काबू बिच आई गेया, ते मैं स्वर्ग बिच इक्क सिहांसन दिख्खेया, ते तिस सिहांसन पर कोई बैठ्ठे रा थिया।