प्रकाशित वाक्य 17:16 - चम्बयाली नौआ नियम

¹⁶ से समय आणा जां तिस ड्रोणे जानवर ते तिन्हा दस राज्जेयां ने, जे अब्बे तिस कने हिन, पर बाद बिच तिस कने नफरत करणी जे तिन्हेरे उप्पर बैठ्ठे री है। तिन्हा ने तिस पर हमला करणा, तिसेरे मांस जो खाई रखणा ते बाक्की रा फुक्की रखणा।

प्रकाशित वाक्य 17:16 ပူးပေါင်းရင်းမြစ်များ

प्रकाशित वाक्य 12:3

ते इक्क होर निशानी आसमान बिच दिस्सि, अते दिखो, इक्क बड़ा बड्डा लाल अजगर थिया जे शैतान है, जिसेरे सत्त सिर अते दस्स सींग थिये, ते सिरां पर सत्त राज मुकुट थिये।

प्रकाशित वाक्य 16:12

छेम्मे स्वर्गदूत ने पर कटोरा फरात नदी पर उन्धेरी दित्तेया ते तिसेरा पाणी सुकी गेया ताकि पूरब दिसा रे राज्जे ते तिसेरे सपाईयां तांइ रस्ता तैयार हो जाए।

प्रकाशित वाक्य 17:10

तिन्हा सत्त राज्जेयां बिच का पांज्ज राज्जे मरी चुके रे हिन, ते तिन्हा बिच का इक्क जणा हल्ले राज्जा है, ते इक्क हल्ले तिकर आया नी, ते जां तिनिये आणा तां तिनिये थोड़े समय तिकर रैह्णा।

प्रकाशित वाक्य 18:19

तिन्हा ने अपणा दुख जताणे तांइ अपणे-अपणे सिरां पर धूड़ पाणी, ते रौंदे पिटिंदे होए लेरां मारी-मारी करी बोलणा, “लाणत है, लाणत है बड्डे सहर तेरे बड़ी वरी जायदाद री वजह कने, जिस कुसकी का भी समुंदर बिच जहाज थिये, से अमीर बणी गे। थोड़े ही समय बिच तिनिये अपणी सारी जायदाद गवाई दित्ती।

प्रकाशित वाक्य 18:8

तिसेरे घमंड करणे री वजह कने, तिस पर मुसीबतां भी चाणचक्के ही पैणी। बीमारी, दुख, ते अकाल अचानक ही तिस पर आई पैणे। ते तिनिये आग्ग फुकी जाणा किजोकी परमेश्वर ताकतवर हिन, ते तिन्हा ने तिसजो सजा दैणी।

प्रकाशित वाक्य 19:18

आओ ते राज्जेयां रा, सेनापतियां रा, तगड़े सपाईयां रा, घोडे़यां ते तिन्हेरे सवारां रा मांस खाओ। तुसा हर तरिक्के रे मुर्दे रा मांस खाई सकदे, चाए से छोटा हो या बड्डा, अजाद हो या गुलाम।