प्रकाशित वाक्य 17:10 - चम्बयाली नौआ नियम

¹⁰ तिन्हा सत्त राज्जेयां बिच का पांज्ज राज्जे मरी चुके रे हिन, ते तिन्हा बिच का इक्क जणा हल्ले राज्जा है, ते इक्क हल्ले तिकर आया नी, ते जां तिनिये आणा तां तिनिये थोड़े समय तिकर रैह्णा।

प्रकाशित वाक्य 17:10 ပူးပေါင်းရင်းမြစ်များ

प्रकाशित वाक्य 10:11

तां मेरे जो ए बोल्लेया गेया, कि तिज्जो बड़े मणूआं, अते गैर यहूदियां रे मणूआं, अते भाषा, ते राज्जेयां पर, फिरी भविष्यवाणी करणी पैणी।

प्रकाशित वाक्य 13:12

अते ए उस पैल्ले ड्रोणे जानवर रा सारा हक इस्तेमाल करदा। धरती ते तिस बिच रैह्णे वालेयां का उस पैल्ले जानवर रा जानलेवा जख्म ठीक होई गेया थिया, तिसेरी अराधना करांदा थिया।

प्रकाशित वाक्य 13:3

ते मैं तिसेरे सिरां बिच का इक्क पर इदेया वरी जख्म दिख्खेया, मन्नो से मरणे वाला हो, फिरी तिसेरा जानलेवा जख्म ठीक होई गेया, ते धरती रे मणू तिस ड्रोणे जानवर रे पीच्छे-पीच्छे हैरान होई करी चली पे।

प्रकाशित वाक्य 17:11

जे ड्रोणा जानवर पैल्ले जिन्दा थिया, ते अवे मरी चुके रा है, से अप्पु अठमा राज्जा है, ते तिन्हा सत्त बिच का ही है। ते आखिर बिच से राज्जे जो भी हमेसा तांइ सजा मिलणी।

प्रकाशित वाक्य 17:16

से समय आणा जां तिस ड्रोणे जानवर ते तिन्हा दस राज्जेयां ने, जे अब्बे तिस कने हिन, पर बाद बिच तिस कने नफरत करणी जे तिन्हेरे उप्पर बैठ्ठे री है। तिन्हा ने तिस पर हमला करणा, तिसेरे मांस जो खाई रखणा ते बाक्की रा फुक्की रखणा।