प्रकाशित वाक्य 16:9 - चम्बयाली नौआ नियम

⁹ मणू बड़ी गरमी कने फुकी गे ते परमेश्वर रे नां री बुराई कित्ती जिन्हा जो इन्हा मुसीबतां पर हक्क है, पर तिन्हेरी महिमा करणे तांइ मन नी लाया। पर तिन्हा ने फिरी भी अपणे पाप्पां का तौबा नी कित्ती ते परमेश्वर री अराधना नी कित्ती।

प्रकाशित वाक्य 16:9 ပူးပေါင်းရင်းမြစ်များ

लूका 13:3

नी पर मैं तुसा जो बोलदा कि जे अगर तुसा अपणे पाप्पां का तौबा ना करो तां तिस्सी तरिक्के कने मुकाए दित्ते जाणे।

लूका 13:5

यीशु ने यरुशलेम रे सबणी मणूआं जो बोल्लेया इदेया किच्‍छ भी नी है तुसा अपणे पाप्पां का तौबा करी लेयो, नी तां तुसा भी तिय्यां ही मरणा।

2 कुरुन्थियों 12:21

मेरे जो डर है कि जां मैं तुसा का दुबारा आणा, तां परमेश्वर मेरे जो बेज्जत ना करण, ते मेरे जो मते लोक्कां तांइ अफसोस ना करणा पे जिन्हा ने पैल्ले भिठ्ठे काम्म, व्यभिचार, ते शर्मसार करणे वाले पाप कित्ते थिये, ते तिन्हा सारे पाप्पां का तौबा नी कित्ती थी।

प्रकाशित वाक्य 11:13

फिरी तिस बेल्ले यरुशलेम सहर बिच इक्क बड़ा बड्डा हिलण होया, ते सहर दसमां हिस्सा छुड़की पेया, ते तिस हिलण कने सत्त हजार मणू मरी गे, ते बाकि बचे रे डरी गे, ते तिन्हा ने परमेश्वर री महिमा कित्ती जे स्वर्ग बिच हिन।

प्रकाशित वाक्य 14:7

तिसने बड़ी जोर कने बोल्लेया, “परमेश्वर का डरो, ते तिन्हेरी महिमा करो, किजोकी दुनिया रे लोक्कां रा हिसाब-किताब करणे रा समय आई गे रा है, अते तिसेरी अराधना करो, जिस ने आसमान ते जमीन, समुन्द्र, पाणी रे स्रोत बणाये रे हिन।”

प्रकाशित वाक्य 16:21

स्वर्ग का तेत्ती किलो रे औले पे ते इस तांइ ताकि ए मुसीबत बड़ी वरी थी लोक्कां ने औलेयां री मुसीबत री वजह कने परमेश्वर री बुराई कित्ती।

प्रकाशित वाक्य 2:21

मैं तिसजो तिसेरे पाप्पां का तौबा करणे का मौक्का दित्तेया पर से अपणे अनैतिक कम्म करणे का बाज नी आंदी।

प्रकाशित वाक्य 9:20

बाकि मणूआं ने जे उन्हा बिमारियां कने नी मरे थिये, अपणे हत्थां रे कम्मां का तौबा नी कित्ती, कि दुष्टात्मा, अते सुन्ने चाँदी अते पीतल, अते पत्थरां, ते काठ री मूर्तां री पूजा ना करण, जे ना दिख्खी, ना सूणी, ना चली सकदी हिन।