प्रकाशित वाक्य 16:5 - चम्बयाली नौआ नियम

⁵ तां मैं पाणी रे स्वर्गदूत जो परमेश्वर जो ए बोलदे सूणेया, ओ पवित्र परमेश्वर जे हिन, जे थिया, तू सारेयां रा सच्चा हिसाब करदा, ते तुसा ने सही हिसाब-किताब कित्तेया।

प्रकाशित वाक्य 16:5 ပူးပေါင်းရင်းမြစ်များ

यूहन्ना 17:25

ओ धार्मिक पिता, दुनिया रे लोक्कां ने मेरे जो नी जाणेया पर मैं तुसा जो जाणेया ते मेरे चेल्‍लेयां ने भी जाणेया कि तुसा ने मेरे जो भेज्जे रा है।

रोमियों 2:5

पर किजोकी तुसा ढीठ हिन ते अपणे पाप्पां का तौबा करणे का इन्कार करणे कने तुसा अपणे तांइ बड़ी वरी सजा कठेरेया करदे हिन। किजोकी परमेश्वर रे गुस्सा करणे रा से दिन आया करदा है, जा तिन्हेरा धार्मिक इन्साफ लोक्कां पर ज़ाहिर होणा।

रोमियों 3:5

जे अगर असा रे अधर्मी कम्म परमेश्वर री धार्मिकता जो ज़ाहिर करदे, तां असी कै बोलणा? कै असी ए बोल्ली सकदे कि परमेश्वर असा जो सजा दैणे अंदर गलत हिन? (ए मैं इन्सानी तौर पर बोल्लेया करदा है।)

प्रकाशित वाक्य 1:4

मैं यूहन्ना, एशिया प्रदेश रे सत्त इलाक्केयां बिच रैह्णे वाले विश्वासियां जो ए चीठ्ठी लिख्खेया करदा है। मैं प्रार्थना करदा कि तुसा जो परमेश्वर का अनुग्रह ते सांती मिलदी रे। परमेश्वर पिता ही हिन जे अब्बे भी हिन, से पैल्ले भी थिये, ते तिन्हा ने हमेसा तिकर रैह्णा। तिन्हा सत्त आत्मां रे पास्से का जे परमेश्वर रे सिहांसन रे सामणे हमेसा खड़े रैह्‍न्दे,

प्रकाशित वाक्य 1:8

प्रभु परमेश्वर बोलदे, “मैं ही अल्फा ते ओमेगा है, यानी मैं ही सुरुआत ते आखिर भी मैं ही है। मैं ही सबका ताकतवर है, मैं थिया, मैं है ते मैं ही आणे वाला भी है।”

प्रकाशित वाक्य 11:17

ए बोलणा लगे, कि ओ सबका ताकतवर प्रभु परमेश्वर, जे हिन, ते जे हमेसा का थिये, असी तुसा रा शुकर करदे, कि तुसा ने अपणी बड़ी बड्डी ताकत जो इस्तेमाल करी के अवे धरती पर राज करणा सुरु करी दित्ते रा है।

प्रकाशित वाक्य 16:4

त्रिये स्वर्गदूत ने अपणा कटोरा द्ररेया ते पाणी रे सोत्तेयां पर उन्धेरी दित्तेया ते से खून बणी गेया।

प्रकाशित वाक्य 16:7

फिरी मैं वेदी का ए शब्द सूणेया, हाँ ओ सर्वशक्तिमान परमेश्वर तुसा रे फैसले ठीक ते सच्चे हिन।

प्रकाशित वाक्य 19:2

किजोकी तिन्हेरे फैसले सच्चे ते ठीक हिन तिन्हा ने तिस बड्डी वेश्या रा, जे अपणे व्यभिचार कने धरती जो भ्रष्ट करदी थी, इंसाफ कित्ता ते तिसका अपणे दासां रे खून रा बदला लित्तेया।

प्रकाशित वाक्य 4:8

इन्हा चारो जींद्दे प्राणियां रे छे-छे पंख्ख थिये, तिन्हेरे चौं पास्से, ते अन्दर भी हाख्खियां ही हाख्खियां थी, ते रात-दिन बगैर अराम कित्ते रे ए बोलदे रैह्‍न्दे थिये, कि सबका जादा ताकतवर परमेश्वर पवित्र, पवित्र, पवित्र है।

प्रकाशित वाक्य 6:10

से जोरे सणे हक्क देई करी बोल्लेया करदे थिये, ओ पवित्र अते सच्चे प्रभु, तुसा किजो धरती पर रैह्णे वाले पाप्पी लोक्कां जो सजा दैणे बिच इन्ना इंतजार करेया करदे हिन? असी छंदे करदे कि तुसा तिन्हा लोक्कां रे बर्ताव तांइ बदला लेयो जिन्हा ने असा रा खून करी रख्खेया।