प्रकाशित वाक्य 16:18 - चम्बयाली नौआ नियम

¹⁸ फिरी बिजली चमकी ते अवाज ते गर्जन होई ते इक्क इदेया बड्डा भूकपं आया की जां रा मणू पैदा होया तां का इदेया बड्डा भुकंप कदी नी होया, इस कने तिस बड्डे सहर रे त्रै टोट्टे होई गे ते जाति-जाति रे सहर पेई गे ते बड्डे बाबेल जो परमेश्वर रे इत्ते याद कित्तेया गेया की से अपणे गुस्से री मदिरा तिसजो पिलाए।

प्रकाशित वाक्य 16:18 ပူးပေါင်းရင်းမြစ်များ

मत्ती 24:21

किजोकी तिस बेल्ले इदेया वरी दुख होणा, जदेया दुनिया री सुरुआत का अब्बे तिकर होया ते ना कदी होणा।

प्रकाशित वाक्य 11:13

फिरी तिस बेल्ले यरुशलेम सहर बिच इक्क बड़ा बड्डा हिलण होया, ते सहर दसमां हिस्सा छुड़की पेया, ते तिस हिलण कने सत्त हजार मणू मरी गे, ते बाकि बचे रे डरी गे, ते तिन्हा ने परमेश्वर री महिमा कित्ती जे स्वर्ग बिच हिन।

प्रकाशित वाक्य 11:19

ते परमेश्वर रा मन्दिर जे स्वर्ग बिच है, तिसजो खोल्लेया गेया, अते तिन्हेरे मन्दिर बिच तिन्हेरी वाचा रा सन्दूक दिस्सेया, अते बिजलियां रे कड़कणे ते अवाजां ते गड़गड़ाहट अते हिलण होये अते बड्डे बड्डे औले पे।”

प्रकाशित वाक्य 4:5

तिस सिंहासन बिच का बिजली चमकेया करदी थी ते बड़ी गर्जनां निकलेया करदी थी, अते सिंहासन रे सामणे आग्ग री सत्त मशाल्लां बलेया करदी थीे, ए परमेश्वर री सत्त आत्‍मा हिन।

प्रकाशित वाक्य 6:12

तां मैं दिख्खेया कि तिस “उरणू” ने छठमी मौहर खोल्ली दित्ती, ते तित्ते बड़ा बड्डा भुकम्प होया। सूरज बिल्कुल घणे काले कम्बल सांई काला होई गेया, ते चाँद रा रांग खून सांई लाल होई गेया।

प्रकाशित वाक्य 8:5

ते स्वर्गदूत ने धूपदान लेई करी तिस बिच वेदी रे भखदे कोले भरे, ते धरती बिच पाई दित्ते, ते बिजली चमकणा लग्गी ते गर्जनां होई।