प्रकाशित वाक्य 16:17 - चम्बयाली नौआ नियम

¹⁷ सतमे स्वर्गदूत ने अपणा कटोरा हवा पराल्ले उन्धेरी दित्तेया ते स्वर्ग बिच का परमेश्वर रे मन्दिर का तिन्हेरे सिहांसन बिच का ए बड्डी अवाज सुणित्ती, सब किच्‍छ होई गेया।

प्रकाशित वाक्य 16:17 ပူးပေါင်းရင်းမြစ်များ

यूहन्ना 19:30

जां यीशु ने से सिरके जो चख्खेया, तां बोल्लेया, पूरा होया, तां तिन्हा ने अपणा सिर झुकाई करी अपणे प्राण छड्डी दित्ते।

इफिसियों 2:2

तिस बेल्ले तुसा दुनियादारी रे तौर-तरिक्के कने चलदे थिये ते तुसा शैतान रे कहे मुताबिक चलेया करदे थिये जे दुष्टात्मां रा हाकिम है, ते जे अज्ज भी तिन्हा लोक्कां बिच कम्म करेया करदा है जे परमेश्वर रे हुकमां री ना-फरमानी करदे।

प्रकाशित वाक्य 11:15

जां सत्तमें स्वर्गदूत ने तुरही बजाई, तां फिरी मैं स्वर्ग का इस बारे बड्डी जादा अवाज्जां सूणी, “असां रे परमेश्वर ते तिन्हेरे चुणे रे छुटकारा दैणे वाले मसीह जो ही धरती पर राज करणे रा हक है, ते परमेश्वर ने हमेसा-हमेसा तिकर राज करणा।

प्रकाशित वाक्य 11:19

ते परमेश्वर रा मन्दिर जे स्वर्ग बिच है, तिसजो खोल्लेया गेया, अते तिन्हेरे मन्दिर बिच तिन्हेरी वाचा रा सन्दूक दिस्सेया, अते बिजलियां रे कड़कणे ते अवाजां ते गड़गड़ाहट अते हिलण होये अते बड्डे बड्डे औले पे।”

प्रकाशित वाक्य 14:15

फिरी इक्क होर स्वर्गदूत ने परमेश्वर रे मन्दिर बिच का निकली करी, तिस कने जे बद्दल बिच बैठ्ठे रा है, बड़े जोर कने बोल्लेया, कि अपणी दराट्टी लाई करी कटाई करो, किजोकी बाड्डी रा बेल्ला आई गे रा है, किजोकी धरती री खेती पकी गे री है।

प्रकाशित वाक्य 14:17

फिरी इक्क होर स्वर्गदूत परमेश्वर रे मन्दिर बिच का निकलेया, जे स्वर्ग बिच है, अते तिसका भी चोखी दराट्टी थी,

प्रकाशित वाक्य 16:1

तिसका बाद मैं परमेश्वर रे मन्दिर बिच कुसकी जो बड्डे अवाज बिच तिन्हा सत्तां स्वर्गदूतां जो ए बोलदे सूणेया, जाओ परमेश्वर रे सत्तों गुस्से रे कटोरेयां जो पृथ्वी पराल्ले उंधेरी देयो।

प्रकाशित वाक्य 21:6

फिरी तिन्हा ने मेरे जो बोल्लेया, ए गल्लां पूरी होई गे री हिन, मैं अल्फा ते ओमेगा, आदी ते अंत है। जिस कुसकी ने भी प्यासे होणा, मैं तिसजो तिस झरने बिच का से पाणी पुआणा जे हमेसा री जिन्दगी दिंदा।