प्रकाशित वाक्य 16:10 - चम्बयाली नौआ नियम

¹⁰ पजंमे स्वर्गदूत ने अपणा कटोरा तिस ड्रोणे जानवर रे सिहांसन पर उन्धेरी दित्तेया ते तिसेरे राज पर न्याहरा छाई गेया। मणू अपणे दर्द री वजह कने अपणी जिब्ब चबाणा लगे।

प्रकाशित वाक्य 16:10 ပူးပေါင်းရင်းမြစ်များ

मत्ती 13:42

अते स्वर्गदूतां ने तिन्हा जो आग्ग रे भठ्ठे बिच पाई दैणा, तित्ते सबने रोणा अते अपणे दान्द पिहिणे।

मत्ती 13:50

बुरे लोक्कां ने तित्ते रोणा अते ने अपणे ददं पीह्णे।

मत्ती 22:13

तां राज्जे ने नौकरांं जो बोल्लेया, इसेरे हात्थ-पैर बन्नी करी इसजो बार न्याहरे बिच पाई देयो, तित्ते रोणा ते दांद्द पिह्णा होणा।

मत्ती 24:51

तां तिनिये तिसजो वरी सजा दैणी ते तिसेरा हिस्सा ढोंगियां कने ठेहराणा: उत्ते रोणा ते दांद्द पिह्णा होणा।

मत्ती 8:12

पर इस्राएल रे मते सारे लोक्कां जो बाहर न्याहरे बिच सूटी दित्तेया जाणा: तित्ते रोणा अते दांद्द पिह्णा होणा।

लूका 13:28

जां तुसा दिखणा कि अब्राहम, इसहाक, याकूब, अते सब भविष्यद्वक्ता परमेश्वर रे राज अन्दर हिन ते तुसा जो बाहर कह्ड्डी दित्तेया गे रा है, तां तित्ते तुसा रोणा अते दान्द पीह्णे

1 पतरस 2:17

सारेयां री इज्जत करो, मुख्य अधिकारी री इज्जत करो, ते अपणे संगी विश्वासियां कने प्यार करो।

प्रकाशित वाक्य 11:10

धरती बिच रैह्णे वालेयां ने तिन्हेरे मरणे कने खुस अते मग्न होई जाणा, अते तिन्हा इक्क दूज्जे जो भेंटा भेजणी, किजोकी इन्हा दोनां भविष्यद्वक्ता ने धरती बिच रैह्णे वालेयां जो तंग कित्तेया थिया।

प्रकाशित वाक्य 11:2

ते परमेश्वर रे मन्दिर रे बाहर रा अंगण छड्डी दे, तिसजो मत नाप, किजोकी से गैर यहूदियां जो दित्तेया गे रा है जे परमेश्वर जो नी जाणदे, ते तिन्हा ने पवित्र सहर जो बताली महिन्ने तांइ रौदंणा।

प्रकाशित वाक्य 11:8

तिन्हा गवाई दैणे वाले मणूआं रे मरणे का बाद, तिन्हा दोन्नां री लास बड्डे सहर यरुशलेम री गली बिच इय्यां ही पेई री छड्डी दित्ती गई, जिस सहर बिच मसीह यीशु जो सुली पर चढाया गेया थिया। तिस सहर जो सदोम ते मिस्र देस री बराबरी बिच मन्नेया जांदा।

प्रकाशित वाक्य 17:17

“जिस जनानी जो तुसा ने दिख्खेया, ए बड़ा बड्डा सहर है जे दुनिया रे सारे राज्जेयां पर राज करदा। ए चीजां तिस जनानी कने होई चुके री हिन, किजोकी परमेश्वर ने ही तिन्हा लोक्कां रे दिमाग जो अपणे मकसद जो पूरा करणे तांइ चलाया थिया। इधेरे तांइ कि जां तांइ परमेश्वर री बोल्ले री गल्लां पूरी ना होई जाण तां तिकर तिन्हा सारे जणेया ने अपणा हक तिस ड्रोणे जानवर जो देई दित्तेया थिया।”

प्रकाशित वाक्य 17:9

तेरे जो इन्हा निशानियां जो समझाणे तांइ बड़ी समजदारी कने सोचणा जरुरी है। तिस जानवर रे सत्त सिर तिन्हा सत्त पहाड़ां जो दर्शांदे जित्ते से जनानी राज करदी। से सत्त राज्जेयां जो भी दर्शांदे।

प्रकाशित वाक्य 18:2

तिनिये बड़े जोर री हाक्क लाई करी बोल्लेया, “बेबिलोन रा से मसहूर सहर अवे हराई दित्ते गे रा है। किजोकी बेबिलोन सहर ने हर देस रे हर इक्क जणे जो सराब पुआई थी जे कि मूर्ति पूजा जो दर्शांदा। दुनिया रे सारे राज्जे बेबिलोन सहर रे गन्दे कम्मां बिच शामिल होए। व्यापारी मणू तिस जनानी रे गन्दे कम्मां रे जरिये बड़े अमीर होई गे। पर परमेश्वर ने तिस बेशर्म जनानी जो मारी रखणा। हर तरिक्के री दुष्टात्मां ने तित्ते रैह्णा ते से जगाह् हर तरिक्के रे गन्दे कम्म तांइ चिड़िया रे घोंसले सांई होणा।”

प्रकाशित वाक्य 18:21

फिरी इक्क ताकतवर स्वर्गदूत ने बड़ी चक्की रे बट्टे सांई इक्क बट्टा चुक्केया ते ए बोल्ली करी समुदंर बिच सूटी दित्तेया, “तिस बड्डे सहर बेबिलोन ने बड़ी तबाही कने बर्बाद होई जाणा। तिस सहर ने फिरी कदी भी पैल्ले सांई ठीक नी होणा।

प्रकाशित वाक्य 18:23

ते दीये री रौसनी फिरी कदी तेरे बिच नी चमकणि, ते दुल्हे ते दुल्हन री अवाज तेरे बिच नी सुनिणी, किजोकी तेरे व्यापारी धरती रे प्रधान थिये तेरे जादू कने सारी जातियां भटकाई गेई थी।

प्रकाशित वाक्य 8:12

ते चौथे स्वर्गदूत ने तुरही फुक्की, अते सूरज रा इक्क तिहाई, चाँद तिहाई ते तारेयां रे इक्क तिहाई हिस्से कने किच्‍छ बड़े जोरे टकराया ते तिन्हेरा बड़ा जादा नुक्सान होया, इसेरे नतीज्जे रे तौर पर सूरज दिन रे इक्क-तिहाई समय तिकर नी चमकेया, ते चाँद ते तारे रात्ती रे इक्क-तिहाई समय तिकर नी चमके।

प्रकाशित वाक्य 9:2

तिसने पताल जो खोलेया, अते कुंण्ड बिच का भट्टी सांई धुआं निकलेया, अते कुंण्ड रे धुएं कने सूरज अते हवा न्याहरी होई गई।