प्रकाशित वाक्य 15:8 - चम्बयाली नौआ नियम

⁸ से परमेश्वर रा मन्दिर तिन्हेरी महिमा ते ताकत रे धुएं कने भरे रा थिया। जां तांइ तिन्हा स्वर्गदूतां जो सौंप्पे री मुसीबतां ना मुकी जाण, तां तांइ कोई भी मणू तिस मन्दिर रे अंदर नी जाई सकदा।

प्रकाशित वाक्य 15:8 ပူးပေါင်းရင်းမြစ်များ

रोमियों 11:33

वाह! परमेश्वर रा धन्न ते बुद्धी अते ज्ञान किन्ने जादा गम्भीर हिन! कोई भी तिन्हेरे फैसलेयां जो नी समजी सकदा ते कोई भी तिन्हेरे रस्तेयां जो नी समजी सकदा!

2 थिस्सलुनीकियों 1:9

तिन्हा जो परमेश्वर का हमेसा तांइ अलग करी दित्तेया जाणा ते तिन्हा ने परमेश्वर री महिमामय ताकत रा अनुभव नी करी पाणा। परमेश्वर ने तिन्हा लोक्कां जो हमेसा री सजा दैणी।

प्रकाशित वाक्य 15:1

ए सब किच्‍छ मुकी जाणे रे बाद, मैं आसमान बिच इक्क होर निशानी दिख्खी जे बड़ी अनौखी ते ड्रौणी भी थी। तित्ते सत्त स्वर्गदूत थिये जे अप्पु कने सत्त अलग किस्मे री मुसीबतां लेई करी आए रे थिये। से मुसीबतां आखरी मुसीबतां होणी, तिन्हेरे बाद परमेश्वर रा गुस्सा सांत होई जाणा।

प्रकाशित वाक्य 21:11

से सहर परमेश्वर का आणे वाली बड़ी वरी रौसनी कने चमकेया करदा थिया। से कुसकी यशब रे कीमती मोत्ती सांई चमकेया करदा थिया।