प्रकाशित वाक्य 15:7 - चम्बयाली नौआ नियम

⁷ ते से सत्त स्वर्गदूत जिन्हा का से आखरी सत्त मुसीबतां थी, से तिस मन्दिर का बाहर आए। तिन्हा ने चमकिल्ले चिट्टे कपड़े पाए रे थिये ते तिन्हा ने अपणी छात्ती पर सोन्ने री पट्टी बन्ने री थी। तां तिन्हा चार प्राणियां ने तिन्हा स्वर्गदूतां जो हमेसा-हमेसा तिकर रैह्णे वाले परमेश्वर रे पास्से का इक्क सोन्ने रा डोंगा दित्तेया जे खतरनाक सजा कने भरे रा थिया।

प्रकाशित वाक्य 15:7 ပူးပေါင်းရင်းမြစ်များ

1 थिस्सलुनीकियों 1:9

किजोकी मणू अप्पु-मिते गल्लां करदे कि जां असी तुसा का आए थिये तां तुसा ने असी लोक्कां रा कदेया स्वागत कित्तेया थिया अते तुसा मूर्तां री पूजा करणा छड्डी करी जिंदे परमेश्वर रे पास्से किय्यां मुड़े थिये, ताकि तुसा जिंदे अते सच्चे परमेश्वर री सेवा करी सको,

प्रकाशित वाक्य 1:18

मैं जिंदा है। मैं मरी गेया थिया, पर अवे दिख, मैं हमेसा-हमेसा तांइ जिंदा है। मौत अते पताल जित्ते मरे रे लोक्कां री आत्मां रेह्न्दी, तिस पर मेरा हक है।

प्रकाशित वाक्य 10:6

तिनिये परमेश्वर जे हमेसा-हमेसा जिन्दे, ते जिन्हा ने आसमान, धरती, समुंद्र ते जे किच्‍छ तिस बिच है, तिन्हा सारी चीजां बणाई, तिन्हा रे नां कने कसम खाई करी बोल्लेया, अवे सब किच्‍छ पूरा होई जाणा।

प्रकाशित वाक्य 15:1

ए सब किच्‍छ मुकी जाणे रे बाद, मैं आसमान बिच इक्क होर निशानी दिख्खी जे बड़ी अनौखी ते ड्रौणी भी थी। तित्ते सत्त स्वर्गदूत थिये जे अप्पु कने सत्त अलग किस्मे री मुसीबतां लेई करी आए रे थिये। से मुसीबतां आखरी मुसीबतां होणी, तिन्हेरे बाद परमेश्वर रा गुस्सा सांत होई जाणा।

प्रकाशित वाक्य 16:2

अते पैल्ले स्वर्गदूत ने जाई करी पर कटोरा प्रथ्वी पराल्ले उधेरी दित्तेया, तां तिन्हा मणूआं पर जिन्हा पर तिस जानवर री छाप थी ते जे मूर्ति री पूजा करदे थिये इक्क किस्म रा बड़ा दर्दनाक फोड़ा निकलेया।

प्रकाशित वाक्य 17:1

जिन्हा सत्त स्वर्गदूतां का से सत्त कटोरे थिये, तिन्हा बिच का इक्क ने आई करी मेरे जो बोल्लेया, इत्ते आ, मैं तेरे जो दिखांदा कि परमेश्वर ने तिस बड्डी वेश्या जो सजा किय्यां दैणी जे तिस जगाह् बिच बैठ्ठी री है जित्ते मती सारी नदियां हिन।

प्रकाशित वाक्य 21:9

फिरी जिन्हा सत्त स्वर्गदूतां का सत्त आखरी मुसीबतां कने भरे रे सत्त कटोरे थिये, तिन्हा बिच का इक्क मेरे का आया ते मेरे कने गल्लां करी के बोल्लेया, इत्ते आ, मैं तेरे जो दुल्हन मतलब उरणू री लाड़ी दिखादां।

प्रकाशित वाक्य 5:8

जां तिसने कताब लेई लित्ती तां से चारो प्राणी अते चौबी बुजुर्ग मणू तिस उरणू रे सामणे झुकी गे, अते हर इक्क बुजुर्ग रे हत्थां बिच वीणा ते धूप कने भरित्ते रे सोन्ने रे बणे रे डोंगे थिये, जे परमेश्वर री सेवा करणे वाले पवित्र मणूआं री प्रार्थना जो दर्शांदा थिया।