प्रकाशित वाक्य 15:5 - चम्बयाली नौआ नियम

⁵ इसका बाद मैं ए दिख्खेया कि स्वर्ग बिच मन्दिर खुले रा थिया जे तम्बू सांई थिया।

प्रकाशित वाक्य 15:5 ပူးပေါင်းရင်းမြစ်များ

मत्ती 27:51

ते दिख्खो, मन्दिर रा परदा उप्पर का लेई करी थल्ले तिकर फटी करी दो टोट्टे होई गेया ते दुनिया हिली गई ते चट्टानां त्रिड़की गेई।

इब्रानियों 8:5

जे कम्म ए पुरोत्त लोग करदे, से स्वर्ग बिच होणे वाले कम्म नी हिन, पर सिर्फ तिन्हेरी नकल ते परछाई हिन। जां मूसा परमेश्वर रा तम्बू बणाणे री तैयारी करेया करदा थिया, तां परमेश्वर ने तिसजो खबरदार करी के बोल्लेया, “दिख्ख, जे नमूना तेरे जो पहाड़ पर दिखाया गेया थिया, तिसेरे हिसाब कने ही सब किच्‍छ बणाए।”

प्रकाशित वाक्य 11:19

ते परमेश्वर रा मन्दिर जे स्वर्ग बिच है, तिसजो खोल्लेया गेया, अते तिन्हेरे मन्दिर बिच तिन्हेरी वाचा रा सन्दूक दिस्सेया, अते बिजलियां रे कड़कणे ते अवाजां ते गड़गड़ाहट अते हिलण होये अते बड्डे बड्डे औले पे।”

प्रकाशित वाक्य 13:6

तिस ड्रोणे जानवर ने परमेश्वर री बेजती करणा सुरु करी दित्ती, कि तिसने तिन्हेरे नां अते तिन्हेरे तम्बू मतलब स्वर्ग बिच रैह्णे वालेयां रे खिलाफ बोल्ले।