प्रकाशित वाक्य 15:2 - चम्बयाली नौआ नियम

² तां मैं किच्‍छ दिख्खेया, जे समुंद्र जदेया सीसा सांई चमकेया करदा थिया ते से आग्ग कने मिल्ले रा थिया। मैं तिन्हा लोक्कां जो भी दिख्खेया जे शैतान का हारे नी थिये। तिन्हा ने शैतान ते तिसेरी मूर्ति री अराधना नी कित्ती थी, ते तिन्हा ने शैतान रे नां री छाप भी नी लित्ती थी। से मणू तिस समुंद्र रे किनारे पर से वीणा अपणे हत्थां बिच लेई करी खड़ित्ते रे थिये जे परमेश्वर ने तिन्हा जो दित्ते थिये।

प्रकाशित वाक्य 15:2 ပူးပေါင်းရင်းမြစ်များ

मत्ती 3:11

“मैं ता पाणी कने तुसा जो पाप्पां का तौबा करणे रा बपतिस्मा दिंदा, पर जे मेरे का बाद आणे वाला है, से मेरे का जादा ताकतवर है ते मैं तिन्हेरी चप्पल चुकणे जोग्गा भी नी है, तिन्हा ने तुसा जो अप्पु पवित्रात्मा ते आग्ग कने बपतिस्मा दैणा।

1 पतरस 1:7

इन्हा मुसीबतां रा मकसद ए दर्शाणा है कि तुसा परमेश्वर पर विश्वास करदे भी या नी। मसीह बिच तुसा विश्वास सोन्ने का भी जादा कीमती है। जिय्यां कि सोन्ना जे इक्क दिन खत्म होई जाणा, तिसजो भी आग्ग बिच परखेया ते निखारेया जांदा। जे अगर तुसा रा विश्वास इन्नी कड़ी मुसीबतां रे बाद भी बणेया रैहन्दा, तां इसेरी वजह कने तुसा जो तिस दिन बड़ा आदरमान ते महिमा मिलणी जिस दिन मसीह यीशु ने हटी आणा।

1 पतरस 4:12

ओ प्यारे दोस्तो, मसीह रे मणू होणे रे नात्ते तुसा जे जुल्म सहन करेया करदे हिन, तिन्हेरी वजह कने हैरान मत हो, पर ए सारी चीजां ए दिखाणे तांइ होया करदी हिन कि तुसा हकीकत बिच परमेश्वर बिच विश्वास करदे या नी। इधेरे तांइ ए मत सोच्चो कि तुसा कने किच्‍छ अजीब होया करदा है।

प्रकाशित वाक्य 12:11

ते तिस “उरणू रे बच्चे” रे खून री वजह कने, अते अपणी गवाई रे वचन री वजह कने, तिस पर जयवन्त होये, अते तिन्हा ने अपणे प्राणां जो प्यारे नी जाणी के, इत्ते तक की मौत भी सहन करी लित्ती।

प्रकाशित वाक्य 13:1

तां मैं इक्क बड़े ड्रोणे जानवर जो समुंद्र बिच का निकलदे दिख्खेया। तिसेरे दस सींग ते सत्त सिर थिये, तिसेरे हर इक्क सिर पर इक्क मुकुट थिया, ते तिसेरे हर इक्क सिर इक्क इदेया नां लिख्खे रा थिया जे परमेश्वर तांइ बेजती है।

प्रकाशित वाक्य 13:14

तिन्हा चिन्ह-चमत्कारां री वजह कने जिन्हा जो उस ड्रोणे जानवर रे सामणे दिखाणे रा हक तिसजो दित्तेया गेया थिया, से धरती बिच रैह्णे वाले लोक्कां जो इस तरिक्के कने भटकान्दा थिया, कि धरती रैह्णे वालेयां जो बोलदा थिया, कि जिस जानवर री तलवार लग्गी री थी, से जी गेया, तिसेरी मूर्ति बणाओ।

प्रकाशित वाक्य 13:17

कि तिसजो छड्डी जिस पर छाप मतलब उस जानवर रा नां, या तिसेरे नां रा अंक हो, अते कोई लैण दैण ना करी सके।

प्रकाशित वाक्य 21:18

से दुआल मैह्‍ंगे मोत्तियां री बणे री थी, जिन्हा जो यशब रे मोत्ती भी बोलदे। से सहर सोन्ने रा बणे रा थिया ते से साफ सीसा सांई चमकदा थिया।

प्रकाशित वाक्य 4:6

तिस सिहांसन रे सामणे सीसा सांई इक्क साफ ते समुंद्र जिन्ना चौड़ा मैदान थिया, से सिंहासन तिस जगाह् रे बिल्कुल बिच मझाटे थिया ते मैं तिसेरे चारो पास्से चार जींद्दे प्राणियां जो दिख्खेया।

प्रकाशित वाक्य 5:8

जां तिसने कताब लेई लित्ती तां से चारो प्राणी अते चौबी बुजुर्ग मणू तिस उरणू रे सामणे झुकी गे, अते हर इक्क बुजुर्ग रे हत्थां बिच वीणा ते धूप कने भरित्ते रे सोन्ने रे बणे रे डोंगे थिये, जे परमेश्वर री सेवा करणे वाले पवित्र मणूआं री प्रार्थना जो दर्शांदा थिया।