प्रकाशित वाक्य 15:1 - चम्बयाली नौआ नियम

¹ ए सब किच्‍छ मुकी जाणे रे बाद, मैं आसमान बिच इक्क होर निशानी दिख्खी जे बड़ी अनौखी ते ड्रौणी भी थी। तित्ते सत्त स्वर्गदूत थिये जे अप्पु कने सत्त अलग किस्मे री मुसीबतां लेई करी आए रे थिये। से मुसीबतां आखरी मुसीबतां होणी, तिन्हेरे बाद परमेश्वर रा गुस्सा सांत होई जाणा।

प्रकाशित वाक्य 15:1 ပူးပေါင်းရင်းမြစ်များ

प्रकाशित वाक्य 10:3

ते तिनिये इन्नी जादा जोरे कने हाक्क मारी, जिय्यां शेर गर्जदा। जां तिसने लेर मारी तां गर्जन री सत्त अवाज्जां सुणित्ती।

प्रकाशित वाक्य 11:14

ए दूज्जी मुसीबत रा अंत थिया। तिज्जी मुसीबत अवे तौले आणे वाली है।

प्रकाशित वाक्य 14:19

ते उस स्वर्गदूत ने धरती पर अपणी दराट्टी लाई, ते धरती री अंगूर री बेल का फल्ल कट्टी करी, अपणे परमेश्वर रे गुस्से रे बड्डे रस्स रे कुंड बिच पाई दित्तेया, ते सहर रे बाहर उस कुंड बिच अंगूर रौंदे गे, अते रस्स कुंड बिच का इतणा खून निकलेया कि घोड़ेयां री लगामां तक पूज्जेया, ते त्रै सौ किलोमीटर तिकर रूढी गेया।

प्रकाशित वाक्य 16:1

तिसका बाद मैं परमेश्वर रे मन्दिर बिच कुसकी जो बड्डे अवाज बिच तिन्हा सत्तां स्वर्गदूतां जो ए बोलदे सूणेया, जाओ परमेश्वर रे सत्तों गुस्से रे कटोरेयां जो पृथ्वी पराल्ले उंधेरी देयो।

प्रकाशित वाक्य 17:1

जिन्हा सत्त स्वर्गदूतां का से सत्त कटोरे थिये, तिन्हा बिच का इक्क ने आई करी मेरे जो बोल्लेया, इत्ते आ, मैं तेरे जो दिखांदा कि परमेश्वर ने तिस बड्डी वेश्या जो सजा किय्यां दैणी जे तिस जगाह् बिच बैठ्ठी री है जित्ते मती सारी नदियां हिन।

प्रकाशित वाक्य 19:15

तिसेरे मुँह का इक्क तेज तलवार निकली जिस कने तिनिये मते देसां जो हराई दैणा। जिस कुसकी ने भी तिसेरे अधिकार जो नी मनणा, तिसजो तिनिये बड़ी वरी सजा दैणी। जिय्यां कि कुसकी रसकुंड का अंगूर रा रस्स चुड़ी-चुड़ी करी बाहर रुड़ी जांदा, तिय्यां ही तिनिये सर्वशक्तिमान परमेश्वर रा प्रचंड गुस्सा दिखाणा।

प्रकाशित वाक्य 21:9

फिरी जिन्हा सत्त स्वर्गदूतां का सत्त आखरी मुसीबतां कने भरे रे सत्त कटोरे थिये, तिन्हा बिच का इक्क मेरे का आया ते मेरे कने गल्लां करी के बोल्लेया, इत्ते आ, मैं तेरे जो दुल्हन मतलब उरणू री लाड़ी दिखादां।

प्रकाशित वाक्य 8:13

अते मैं आसमान बिच इक्क उकाब जो उड़दे होए दिख्खेया, ते जोरे कने ए बोलदे होए सूणेया, कि जां तिन्हा त्रै स्वर्गदूतां ने अपणी तुरहियां बजाणी, तां दुनिया बिच रैह्णे वाले लोक्कां पर बड़ी वरी मुसीबतां आणी, जे तुरहियां तिन्हा जो दित्ती गे री हिन, से बड़ी जादा ड्रौणी हिन। ते तिसेरी वजह कने धरती रे लोक्कां पर हाय, हाय, हाय।

प्रकाशित वाक्य 8:2

ते मैं सत्तां स्वर्गदूतां जो जे परमेश्वर रे मुहागर रेह्न्दे हिन, दिख्खेया, ते तिन्हा जो सत्त तुरहियां दित्ती गई।

प्रकाशित वाक्य 8:6

तां से सत्तों स्वर्गदूत जिन्हेरे का से सत्त तुरहियां थी, फूंकणे तांइ तैयार होई गे।

प्रकाशित वाक्य 9:20

बाकि मणूआं ने जे उन्हा बिमारियां कने नी मरे थिये, अपणे हत्थां रे कम्मां का तौबा नी कित्ती, कि दुष्टात्मा, अते सुन्ने चाँदी अते पीतल, अते पत्थरां, ते काठ री मूर्तां री पूजा ना करण, जे ना दिख्खी, ना सूणी, ना चली सकदी हिन।