प्रकाशित वाक्य 14:8 - चम्बयाली नौआ नियम

⁸ फिरी इसेरे बाद इक्क होर दुज्जा स्वर्गदूत बोलदा आया, कि अवे बर्बाद होई गेया, से बड्डा बेबिलोन सहर अवे बर्बाद होई गेया। बेबिलोन सहर ने अपणे व्यभिचार रे कम्मां कने सारी दुनिया रे देसां जो भ्रष्ट करी दित्तेया। ए इदेया थिया तिसने सारेयां जो सराब पुआई, ते अवे तिसेरी वजह कने परमेश्वर ने तिन्हा सारेयां जो सजा दैणी।

प्रकाशित वाक्य 14:8 ပူးပေါင်းရင်းမြစ်များ

प्रकाशित वाक्य 11:8

तिन्हा गवाई दैणे वाले मणूआं रे मरणे का बाद, तिन्हा दोन्नां री लास बड्डे सहर यरुशलेम री गली बिच इय्यां ही पेई री छड्डी दित्ती गई, जिस सहर बिच मसीह यीशु जो सुली पर चढाया गेया थिया। तिस सहर जो सदोम ते मिस्र देस री बराबरी बिच मन्नेया जांदा।

प्रकाशित वाक्य 16:19

इस कने तिस बड्डे सहर बेबिलोन रे त्रै टोट्टे होई गे, ते जाति-जाति रे सहर पेई गे ते बड्डे बेबिलोन सहर जो परमेश्वर रे इत्ते याद कित्तेया गेया की से अपणे गुस्से री सराब तिसजो पिलाए।

प्रकाशित वाक्य 19:2

किजोकी तिन्हेरे फैसले सच्चे ते ठीक हिन तिन्हा ने तिस बड्डी वेश्या रा, जे अपणे व्यभिचार कने धरती जो भ्रष्ट करदी थी, इंसाफ कित्ता ते तिसका अपणे दासां रे खून रा बदला लित्तेया।