प्रकाशित वाक्य 14:5 - चम्बयाली नौआ नियम

⁵ ते तिन्हा ने कदी भी झूठ नी बोल्लेया, से बेकसूर मणू हिन।

प्रकाशित वाक्य 14:5 ပူးပေါင်းရင်းမြစ်များ

मत्ती 12:34

तुसा जहरिल्ले कीड़े रे बच्चेयां सांई हिन! जे तुसा बुरे ही हिन तां ठीक गल्लां किय्यां करी सकदे हिन? किजोकी जे तिसेरे मन बिच है सेह्ई मुँह पर आंदा।

लूका 23:4

इस गल्ल पर पिलातुस ने बड्डे पुरोत्त अते मणूआं जो बोल्लेया, मेरे जो इस मणू पर कोई भी बुराई नजर नी आया करदी है

यूहन्ना 1:47

यीशु ने नतनएल जो अपणे पास्से आंदे दिख्खी करी उसेरे बारे बिच बोल्लेया: ए सच्ची इस्राएल रे ‍खानदान रा है ते भरोसेमंद है: इस आदमी बिच कोई ढोंग नी है।

इफिसियों 5:27

तिन्हा ने इधेरे तांइ भी कुर्बानी दित्ती ताकि से अपणे सारे लोक्कां जो सिद्व बणाए ते तिन्हा सारेयां जो अपणी मौजुदगी बिच लेई आए जिन्हा बिच कोई भी गलती या पाप नी होणा, बल्कि तिसने साफ ते पवित्र होणा।

कुलुस्सियों 1:22

अवे परमेश्वर ने अपणे पुत्तर रे मणू रे रुप बिच जन्म लैणे, ते सुली पर कुर्बानी दैणे रे जरिए, तुसा कने भी मेल जोल करी लेया, ताकि तुसा जो अपणी नजर बिच पवित्र, बेकसूर, ते बेगुनाह ठैहराए।

इब्रानियों 9:14

पर मसीह रा बेकसूर खून असा रे विवेक जो असा रे पाप्पां, जे असा री मौत री वजह बणदे, तिन्हा का साफ करदे, ताकि असी जिन्दे परमेश्वर री अराधना करी सकण। किजोकी पवित्रात्मा री ताकत रे जरिये मसीह ने अप्पु जो इक्क सिद्व कुर्बानी रे तौर पर परमेश्वर जो अर्पित करी दित्तेया।

1 पतरस 2:22

पवित्रशास्त्र बिच लिख्खे रा है, “तिन्हा ने कदी कोई पाप नी कित्तेया, तिन्हा ने कदी कोई झूठ नी बोल्लेया।”

1 पतरस 3:10

किजोकी पवित्रशास्त्र बिच लिख्खे रा है, “जे अगर कोई मणू अपणी जिन्दगी रा आनंद लैणा चाह्‍ंदा, ते बदिया दिन दिखणा चाह्‍ंदा, तां से चुकन्ना रे कि कोई गलत गल्ल ना बोल्ले। ते ओ मणू तैसी गल्लां बोलणा छड्डी दे जे सच्ची नी हिन।

यहूदा 1:24

से ही इकलौत्ते परमेश्वर हिन जिन्हा ने असा जो मसीह यीशु रे सुली पर कुर्बानी दैणे रे जरिये कने बचाए रा है। असा रे प्रभु मसीह यीशु री वजह कने मणू परमेश्वर रा आदरमान ते महिमा करण। मणू ए समजी सकण कि दुनिया रे बणने रे पैल्ले का ही ते अज्ज रे समय तिकर परमेश्वर री ही ताकत ते हक है ते से हमेसा-हमेसा तिकर रैह्णी। आमीन!