प्रकाशित वाक्य 14:3 - चम्बयाली नौआ नियम

³ से सिंहासन रे सामणे अते चारो प्राणी अते बुजुर्ग मणू रे सामणे मन्नो इक्क नौआ गाणा गाया करदे थिये, ते उन्हा इक्क लाख चुरताली हजार जणेया जो छड्डी करी जिन्हा जो परमेश्वर ने धरती पर रैह्णे वाले लोक्कां बिच का छुड़ाई लित्तेया थिया कोई से गाणा नी सीखी सकदा थिया।

प्रकाशित वाक्य 14:3 ပူးပေါင်းရင်းမြစ်များ

1 कुरुन्थियों 1:18

जां मणू मसीह रे सुली पर मरणे रा बसेख सूणदे, तिन्हा बिच का किच्‍छ मणू ए सोचदे कि ए बसेख बेवकूफी भरा है। जे मणू इय्यां सोचदे से ओ मणू हिन जे नरक बिच पाए जाणे। पर असी मणू जे तिस बसेख पर विश्वास करदे, ए परमेश्वर रा अपणे लोक्कां जो अपणी ताकत कने बचाणे रा रस्ता है।

1 कुरुन्थियों 2:14

पर कोई अविश्वासी मणू परमेश्वर रे आत्‍मा री शिक्षां जो नी अपणांदा, किजोकी से शिक्षां तिसेरी नजरां बिच बेवकूफी री गल्लां हिन, अते ना ही से मणू सही या गलत गल्लां बिच फैसला नी लेई पांदे। किजोकी से मणू आत्मिक गल्लां जो सिर्फ तां ही समजी सकदे जे अगर तिन्हा का पवित्रात्मा हो।

प्रकाशित वाक्य 14:1

फिरी मैं दिख्खेया, ते दिखो, से “उरणू रा बच्चा” सिय्योन पहाड़ पर खड़ितेरा है ते तिसेरे कने इक्क लख चुरताली हजार जणे हिन जिन्हेरे मत्थे पर तिसेरा अते तिन्हेरे पिता रा नां लिख्खे रा है।

प्रकाशित वाक्य 15:3

से परमेश्वर रे दास मूसा रा गीत ते “उरणू” रा गीत गाई-गाई करी बोलदे थिये, ओ सर्वशक्तिमान प्रभु-परमेश्वर, तुसा रे कम्म महान ते अनौखे हिन ओ जुग-जुग रे राज्जे, तेरी चाल ठीक ते सच्ची है।

प्रकाशित वाक्य 2:17

जे सुनणा चाए, से ध्यान कने सुणे कि पवित्रात्मा कलीसिया रे मणूआं कने कै बोलणा चाह्‍ंदा। मैं तिन्हा लोक्कां जो से लुके रा मन्ना दैणा, जिन्हा लोक्कां ने इन्हा बुराई री ताकत जो हराई दैणा। मैं तिन्हा बिच का हर इक्क जो इक्क चिट्टा बट्टा भी दैणा जिस पर इक्क नौआ नां लिख्खेया जाणा। जिस जो से बट्टा मिलणा, तिसेरे अलावा कुसकी जो भी तिस नां रा पता नी होणा।”

प्रकाशित वाक्य 5:9

से इक्क नौआ गाणा गाणे लगे, “तू इस कताब री मौहरे खोलणे रे तिस बिच लिख्खे री गल्लां जो पढ़ने रे लायक है, किजोकी तू मारेया गेया थिया ते तैं अपणे खून कने हर इक्क कुल, देस, भाषा, ते लोक्कां जो परमेश्वर तांइ खरीदी लित्तेया।”

प्रकाशित वाक्य 7:4

जां स्वर्गदूत निशानी लाई चुके, तां मैं कुसकी री अवाज सुणी कि, जिन्हा लोक्कां पर परमेश्वर री निशानी लग्गे री है, से गिनती बिच इक्क लाख्ख चुरताली हजार हिन। ए मणू इस्राएल देस री बारा जातियां रे हिन।