प्रकाशित वाक्य 14:16 - चम्बयाली नौआ नियम

¹⁶ इधेरे तांइ, तिनिये तिस दराट्टी जो हवा बिच हिलाया जिस जो तिनिये पकड़े रा थिया। दुनिया री फसल जो तिसने ही कट्टेया थिया।

प्रकाशित वाक्य 14:16 ပူးပေါင်းရင်းမြစ်များ

मत्ती 16:27

किजोकी मणू रा पुत्तर, जे मैं ही है अपणे स्वर्गदूतां कने अपणे पिता री महिमा बिच आणे वाला है तां तिन्ने हर इक्क मणू जो तिसेरे कम्मां रे हिसाब कने ईनाम दैणा।

प्रकाशित वाक्य 14:14

तां फिरी मैं दिख्खेया, “इक्क साफ बद्दल है, अते तिस बदल बिच मणू रे पुत्तर जदेया कोई बैठ्ठे रा है, जिसेरे सिर पर सोन्ने रा मुकुट ते हत्थां बिच तेज दराट्टी है।”

प्रकाशित वाक्य 14:15

फिरी इक्क होर स्वर्गदूत ने परमेश्वर रे मन्दिर बिच का निकली करी, तिस कने जे बद्दल बिच बैठ्ठे रा है, बड़े जोर कने बोल्लेया, कि अपणी दराट्टी लाई करी कटाई करो, किजोकी बाड्डी रा बेल्ला आई गे रा है, किजोकी धरती री खेती पकी गे री है।

प्रकाशित वाक्य 14:17

फिरी इक्क होर स्वर्गदूत परमेश्वर रे मन्दिर बिच का निकलेया, जे स्वर्ग बिच है, अते तिसका भी चोखी दराट्टी थी,

प्रकाशित वाक्य 14:19

ते उस स्वर्गदूत ने धरती पर अपणी दराट्टी लाई, ते धरती री अंगूर री बेल का फल्ल कट्टी करी, अपणे परमेश्वर रे गुस्से रे बड्डे रस्स रे कुंड बिच पाई दित्तेया, ते सहर रे बाहर उस कुंड बिच अंगूर रौंदे गे, अते रस्स कुंड बिच का इतणा खून निकलेया कि घोड़ेयां री लगामां तक पूज्जेया, ते त्रै सौ किलोमीटर तिकर रूढी गेया।