प्रकाशित वाक्य 14:15 - चम्बयाली नौआ नियम

¹⁵ फिरी इक्क होर स्वर्गदूत ने परमेश्वर रे मन्दिर बिच का निकली करी, तिस कने जे बद्दल बिच बैठ्ठे रा है, बड़े जोर कने बोल्लेया, कि अपणी दराट्टी लाई करी कटाई करो, किजोकी बाड्डी रा बेल्ला आई गे रा है, किजोकी धरती री खेती पकी गे री है।

प्रकाशित वाक्य 14:15 ပူးပေါင်းရင်းမြစ်များ

मत्ती 13:30

दोनां जो बडणे रे बेल्ले तांइ बधणा देयो, अते बडणे बेल्ले इन्हा जो बडणे वाले जो बोल्गा, पैल्ले जंगली घा जो फुक्कणे तांइ कठ्ठेरी करी बन्नी लै, अते कणक जो मेरे खत्ते बिच इकट्ठा करी दे।

मत्ती 13:39

अते जिस दुश्मण ने तिन्हा जो बाया थिया से शैतान है, कणक री बाड्डी दुनिया रे अंत जो दर्शांदी, कणक बडणे वाले स्वर्गदूत हिन।

मत्ती 23:32

इधेरे तांइ मैं जाणदा कि जे बुराई तुसा रे पूरखां ने सुरु कित्तेया, तुसा तिसजो पूरा करणा।

मरकुस 4:29

पर जां दाणा पकी जादां, तां किसान तिस्सी बेल्ले दराटी लादां, किजोकी बाड्डी आई गई।”

1 थिस्सलुनीकियों 2:16

ते से असा जो गैर यहूदी लोक्कां बिच तिन्हेरे छुटकारे रा सुब बसेख बंडणे का रोकदे ताकि तिन्हेरे पाप रा घड़ा भरी जाओ, पर अवे आखिर बिच परमेश्वर तिन्हा लोक्कां जो सजा दैणे वाले हिन।

प्रकाशित वाक्य 11:19

ते परमेश्वर रा मन्दिर जे स्वर्ग बिच है, तिसजो खोल्लेया गेया, अते तिन्हेरे मन्दिर बिच तिन्हेरी वाचा रा सन्दूक दिस्सेया, अते बिजलियां रे कड़कणे ते अवाजां ते गड़गड़ाहट अते हिलण होये अते बड्डे बड्डे औले पे।”

प्रकाशित वाक्य 13:12

अते ए उस पैल्ले ड्रोणे जानवर रा सारा हक इस्तेमाल करदा। धरती ते तिस बिच रैह्णे वालेयां का उस पैल्ले जानवर रा जानलेवा जख्म ठीक होई गेया थिया, तिसेरी अराधना करांदा थिया।

प्रकाशित वाक्य 14:14

तां फिरी मैं दिख्खेया, “इक्क साफ बद्दल है, अते तिस बदल बिच मणू रे पुत्तर जदेया कोई बैठ्ठे रा है, जिसेरे सिर पर सोन्ने रा मुकुट ते हत्थां बिच तेज दराट्टी है।”

प्रकाशित वाक्य 14:16

इधेरे तांइ, तिनिये तिस दराट्टी जो हवा बिच हिलाया जिस जो तिनिये पकड़े रा थिया। दुनिया री फसल जो तिसने ही कट्टेया थिया।

प्रकाशित वाक्य 14:17

फिरी इक्क होर स्वर्गदूत परमेश्वर रे मन्दिर बिच का निकलेया, जे स्वर्ग बिच है, अते तिसका भी चोखी दराट्टी थी,

प्रकाशित वाक्य 14:18

फिरी इक्क होर स्वर्गदूत जिस का आग्ग पर हक थिया, वेदी बिच का निकलेया, ते जिस का तेज दराट्टी थी, तिसजो जोरे सणे बोल्लेया, अपणी तेज दराट्टी लाई करी धरती रे अंगूर रे रस्स रे गुच्छे बड्डी लै, किजोकी तिसेरा अंगूर रा रस्स पकी गे रा है।

प्रकाशित वाक्य 15:6

ते से सत्तों स्वर्गदूत जिन्हेरे का सत्तों मुसीबतां थी, मलमल रे साफ ते चमकदार कपड़े पाए ते छाती पर सोन्ने री पट्टियां बन्नी करी परमेश्वर रे मन्दिर का निकले।

प्रकाशित वाक्य 16:17

सतमे स्वर्गदूत ने अपणा कटोरा हवा पराल्ले उन्धेरी दित्तेया ते स्वर्ग बिच का परमेश्वर रे मन्दिर का तिन्हेरे सिहांसन बिच का ए बड्डी अवाज सुणित्ती, सब किच्‍छ होई गेया।

प्रकाशित वाक्य 6:10

से जोरे सणे हक्क देई करी बोल्लेया करदे थिये, ओ पवित्र अते सच्चे प्रभु, तुसा किजो धरती पर रैह्णे वाले पाप्पी लोक्कां जो सजा दैणे बिच इन्ना इंतजार करेया करदे हिन? असी छंदे करदे कि तुसा तिन्हा लोक्कां रे बर्ताव तांइ बदला लेयो जिन्हा ने असा रा खून करी रख्खेया।