प्रकाशित वाक्य 14:14 - चम्बयाली नौआ नियम

¹⁴ तां फिरी मैं दिख्खेया, “इक्क साफ बद्दल है, अते तिस बदल बिच मणू रे पुत्तर जदेया कोई बैठ्ठे रा है, जिसेरे सिर पर सोन्ने रा मुकुट ते हत्थां बिच तेज दराट्टी है।”

प्रकाशित वाक्य 14:14 ပူးပေါင်းရင်းမြစ်များ

मत्ती 13:30

दोनां जो बडणे रे बेल्ले तांइ बधणा देयो, अते बडणे बेल्ले इन्हा जो बडणे वाले जो बोल्गा, पैल्ले जंगली घा जो फुक्कणे तांइ कठ्ठेरी करी बन्नी लै, अते कणक जो मेरे खत्ते बिच इकट्ठा करी दे।

मत्ती 17:5

से बोल्लेया ही करदा थिया कि दिख्खो, इक्क चमकदे बदल ने तिन्हा जो ढक्की लेया, अते तिस बदल बिच का इक्क अवाज निकली, ए मेरा प्यारा पुत्तर है, जिस का मैं बड़ा खुस है: इसेरी सुणो।

मरकुस 4:29

पर जां दाणा पकी जादां, तां किसान तिस्सी बेल्ले दराटी लादां, किजोकी बाड्डी आई गई।”

लूका 21:27

तां सब मणूआं ने मणू रे पुत्तर, जे मैं ही है जो अपणी ताकत अते तिन्हेरी जै जै कार हुन्दे बदला बिच का आन्दे दिखणा।

इब्रानियों 2:9

पर असी मसीह यीशु जो दिखदे, कि परमेश्वर ने तिन्हा जो थोड़े समय तांइ स्वर्गदूतां का थोड़ा घट रख्खेया। ताकि परमेश्वर रे अनुग्रह कने से सारे लोक्कां तांइ कुर्बानी दे। परमेश्वर ने तिन्हा जो महिमा ते आदर दित्ता, किजोकी मसीह ने सारेयां तांइ जुल्म सहे ते अपणी जान दित्ती।

प्रकाशित वाक्य 1:13

तिस धूपदान वाली जगाह् रे बिच-मझाटे मणू रे पुत्तर जदेया दिसणे वाला कोई खड़ित्ते रा थिया। तिसने अपणे पैरां तिकर लम्बा चोग्गा पाए रा थिया। तिनिये अपणी छात्ती पर इक्क सोन्ने रा पट्टा बन्ने रा थिया।

प्रकाशित वाक्य 1:7

सुणो, मसीह यीशु ने बदलां पर आणा ते हर इक्क मणू ने तिन्हा जो दिखणा, इत्ते तिकर तिन्हा लोक्कां ने तिन्हेरे जो आंदे दिखणा, जिन्हा ने तिन्हा हो सुली पर चढाया थिया। ते धरती रे सारे मणूआं ने तिन्हा जो आंदा दिख्खी करी बड़ी लेरां मारी-मारी करी रोणा। हाँ, ए होणे वाला है, आमीन!

प्रकाशित वाक्य 10:1

फिरी मैं इक्क होर तकड़े स्वर्गदूत जो बद्दलां कने घिरे रे ते स्वर्ग का उतरदे दिख्खेया, तिसेरे सर रे चारो पास्से मेघधनुष थिया, अते तिसेरा मुँह सूरज सांई अते तिसेरे पैर आग्ग रे खम्भे सांई थिये।

प्रकाशित वाक्य 11:17

ए बोलणा लगे, कि ओ सबका ताकतवर प्रभु परमेश्वर, जे हिन, ते जे हमेसा का थिये, असी तुसा रा शुकर करदे, कि तुसा ने अपणी बड़ी बड्डी ताकत जो इस्तेमाल करी के अवे धरती पर राज करणा सुरु करी दित्ते रा है।

प्रकाशित वाक्य 19:12

तिसेरी हाख्खियां आग्ग री लपटां सांई हिन, ते तिसेरे सिर पर मते सारे राजमुकूट हिन तिस पर इक्क नां लिख्खे रा है ते तिसेरे अलावा होर कोई तिसेरा मतलब नी जाणदा।

प्रकाशित वाक्य 20:11

फिरी मैं इक्क बड्डा सफेद सिहांसन ते तिसजो, जे तिस पर बैठ्ठा रा है, तिसेरे सामणे का धरती ते आसमान नस्सी गे, ते तिन्हेरे तांइ जगाह् नी मिल्ली।

प्रकाशित वाक्य 6:2

मैं दिख्खेया कि मेरे सामणे इक्क चिट्टा घोड़ा थिया ते घोड़े रे सवार ने तीर-कमाण लित्ते रा थिया तिसजो जीत रा मुकुट दित्तेया गेया अते से स्वर्ग का इय्यां निकलेया जिय्यां तिनिये पैल्ले का ही जीत हासिल करी लित्ते री है, ते अवे फिरी जितणे वाला है।