प्रकाशित वाक्य 13:18 - चम्बयाली नौआ नियम

¹⁸ ज्ञान इस्सी बिच है, जिस जो समझ हो, से इस जानवर रा अंक जोड़ी लेंन, किजोकी मणू रा अंक है, ते तिसेरा अंक छे सौ छियाह्ठ है।

प्रकाशित वाक्य 13:18 ပူးပေါင်းရင်းမြစ်များ

मरकुस 13:14

पढ़ने वाले इस गल्ल जो समजी जाण “से दिन आया करदा है जां तुसा मन्दिर बिच तिस घटिया चीज जो, तित्ते दिखणा जित्ते तिसजो नी होणा चाएदा ते जिसेरे बारे बिच दानिय्येल भविष्यद्वक्ता ने भविष्यवाणी कित्ती थी, जां तुसा तिसजो मन्दिर बिच आंदे दिख्खो तां जे यहूदियां जिले बिच हिन से पहाड़ा पर नह्सी जायो।”

रोमियों 3:5

जे अगर असा रे अधर्मी कम्म परमेश्वर री धार्मिकता जो ज़ाहिर करदे, तां असी कै बोलणा? कै असी ए बोल्ली सकदे कि परमेश्वर असा जो सजा दैणे अंदर गलत हिन? (ए मैं इन्सानी तौर पर बोल्लेया करदा है।)

प्रकाशित वाक्य 1:3

परमेश्वर ने तिस हर इक्क मणू जो आशीष दैणी जे इन्हा भविष्यवाणी री गल्लां जो लोक्कां जो पढ़ी करी सुणांदा ते तिन्हा तिस हर मणू जो भी आशीष दैणी जे इन्हा गल्लां जो सूणदा ते इन्हा जो मनदा किजोकी ए गल्लां बड़े तौले होणे वाली हिन।

प्रकाशित वाक्य 15:2

तां मैं किच्‍छ दिख्खेया, जे समुंद्र जदेया सीसा सांई चमकेया करदा थिया ते से आग्ग कने मिल्ले रा थिया। मैं तिन्हा लोक्कां जो भी दिख्खेया जे शैतान का हारे नी थिये। तिन्हा ने शैतान ते तिसेरी मूर्ति री अराधना नी कित्ती थी, ते तिन्हा ने शैतान रे नां री छाप भी नी लित्ती थी। से मणू तिस समुंद्र रे किनारे पर से वीणा अपणे हत्थां बिच लेई करी खड़ित्ते रे थिये जे परमेश्वर ने तिन्हा जो दित्ते थिये।

प्रकाशित वाक्य 17:9

तेरे जो इन्हा निशानियां जो समझाणे तांइ बड़ी समजदारी कने सोचणा जरुरी है। तिस जानवर रे सत्त सिर तिन्हा सत्त पहाड़ां जो दर्शांदे जित्ते से जनानी राज करदी। से सत्त राज्जेयां जो भी दर्शांदे।

प्रकाशित वाक्य 21:17

तिसका बाद स्वर्गदूत ने तिस दुआल जो नाप्पेया, तिसने तिस दुआल जो मणूआं रे हिसाब कने नाप्पेया। से दुआल छियाठ मीटर ऊच्ची थी।