प्रकाशित वाक्य 13:16 - चम्बयाली नौआ नियम16 तिसने छोटे, बड्डे, अमीर, कंगाल, अजाद, भक्त सबणी रे सज्जे हत्थ या तिन्हेरे मत्थे पर इक्क-इक्क छाप कराई दित्ती। အခန်းကိုကြည့်ပါ။ |
प्रकाशित वाक्य 13:16
26 ပူးပေါင်းရင်းမြစ်များ
ते जे मणू तुसा बिच विश्वास नी करदे, तिन्हा ने बड़ा गुस्सा कित्तेया, पर अवे से समय आई गे रा है कि तुसा अपणा गुस्सा दिखाओ, ते से बेल्ला आई चुके रा है कि तुसा मुर्देयां रा भी हिसाब-किताब करो। से समय आई गे रा कि तुसा रे सेवादार, भविष्यद्वक्तां ते सारे लोक्कां जो ईनाम दित्तेया जाए, हर इक्क जणे जो, जिन्हा जो तुसा बिच श्रद्वा है से चाए छोट्टे हो या बड्डे। से वक्त आई गे रा है कि तिन्हा सारेयां जो बर्बाद करी दित्तेया जाए, जे धरती जो बर्बाद करदे।
तां मैं किच्छ दिख्खेया, जे समुंद्र जदेया सीसा सांई चमकेया करदा थिया ते से आग्ग कने मिल्ले रा थिया। मैं तिन्हा लोक्कां जो भी दिख्खेया जे शैतान का हारे नी थिये। तिन्हा ने शैतान ते तिसेरी मूर्ति री अराधना नी कित्ती थी, ते तिन्हा ने शैतान रे नां री छाप भी नी लित्ती थी। से मणू तिस समुंद्र रे किनारे पर से वीणा अपणे हत्थां बिच लेई करी खड़ित्ते रे थिये जे परमेश्वर ने तिन्हा जो दित्ते थिये।
से ड्रोणे जानवर, ते तिसेरे कन्ने से भविष्यद्वक्ता पकड़ेया गेया। झूठ्ठे भविष्यद्वक्ता ने तिस ड्रोणे जानवर रे पास्से का लोक्कां जो बड़े वरी चमत्कार दिखाए ते लोक्कां जो भटकाई दित्तेया जिन्हा ने तिस ड्रोणे जानवर री छाप लित्ती थी ते तिसेरी मूर्ति री पूजा कित्ती थी। से झूठ्ठा भविष्यद्वक्ता ते से ड्रोणा जानवर तिस आग्ग ते गन्धक रे समुंदर बिच सूटी दित्ते गे।
फिरी मैं मरे रे लोक्कां जो दिख्खेया, मैं खास ते आम लोक्कां जो तिस सिंहासन रे सामणे खड़ित्ते रे दिख्खेया। जिन्ने भी मणू समुंदर बिच डूब्बी करी मरे थिये, जिन्ने भी मणू तिस जगाह् बिच थिये जित्ते मरे रे मणू रैह्न्दे, से सारे तिस सिंहासन रे सामणे खड़ित्ते रे थिये। तिस कताब जो खोल्लेया गेया जिस बिच तिन्हा लोक्कां रे नां लिख्खे गेरे थिये जिन्हा जो कदी ना मुकणे वाली जिन्दगी थी। से कताब भी खोल्ली गयी जिस बिच लोक्कां रे कित्ते रे कम्म लिखित्ते रे थिये, ते हर इक्क जणे का तिन्हेरे कित्ते रे कम्मां रा हिसाब-किताब लित्तेया गेया।
फिरी मैं सिहांसन दिख्खे, ते तिन्हा पर मणू बेई गे, ते तिन्हा जो इंसाफ करणे रा हक्क दित्तेया गेया, मैं तिन्हा री आत्मा जो भी दिख्खेया, जिन्हेरे सिर यीशु री ग्वाही दैणे ते परमेश्वर रे वचन रे वजह कने कटी दित्ते गे, ते जिन्हा ने ना तिस ड्रोणे जानवर री ते तिसेरी मूर्ति री पूजा कित्ती थी, ते ना तिसेरी छाप अपणे मत्थे ते हत्थां पर लित्ती थी, से जिन्दे होई करी मसीह यीशु कने हजार साल्लां तिकर राज करदे रेय।
ကြော်ငြာတွေ