प्रकाशित वाक्य 13:15 - चम्बयाली नौआ नियम15 तिसजो उस जानवर री मूर्ति बिच जान पाणे रा हक दित्तेया गेया, कि जानवर मूर्ति बोलणे लग्गी पे, अते जितणे मणू उस जानवर री मूर्ति री पूजा नी करगे, तिन्हा जो मारी दैण। အခန်းကိုကြည့်ပါ။ |
प्रकाशित वाक्य 13:15
25 ပူးပေါင်းရင်းမြစ်များ
फिरी इसेरे बाद इक्क होर तिजा स्वर्गदूत ए बोलदे आया, कि जे कोई तिस ड्रोणे जानवर ते तिसेरी अराधना करगा, अते अपणे मत्थे या अपणे हत्थां पर तिसेरी छाप लिंगा तां तिसजो परमेश्वर का बड़ी वरी सजा मिलणी। ए इदेया होणा कि जिय्यां तिन्हा ने निरा अंगूर रा रस्स पी लित्ते रा हो जे परमेश्वर रे गुस्से जो दर्शांदा हो। परमेश्वर ने फुकिंदे गंधरस कने इन्हा लोक्कां जो स्वर्गदूतां ते “उरणू” रे सामणे तकलीफ दुआणी।
तिस ड्रोणे जानवर ते दस राज्जेयां ने तिस “उरणू” पर हमला करणा, पर तिस “उरणू” ते तिसेरे प्रेरितां ने तिन्हा सारेयां जो हराई दैणा। ए इधेरे तांइ होणा किजोकी से प्रभुआं रे प्रभु ते राज्जेयां रे राज्जे हिन। तिन्हेरे चेल्ले से हिन जिन्हा जो परमेश्वर ने चुणे रा ते सद्दे रा है, ते से भी जे तिन्हा कने भरोस्सेमंद हिन।
“जिस जनानी जो तुसा ने दिख्खेया, ए बड़ा बड्डा सहर है जे दुनिया रे सारे राज्जेयां पर राज करदा। ए चीजां तिस जनानी कने होई चुके री हिन, किजोकी परमेश्वर ने ही तिन्हा लोक्कां रे दिमाग जो अपणे मकसद जो पूरा करणे तांइ चलाया थिया। इधेरे तांइ कि जां तांइ परमेश्वर री बोल्ले री गल्लां पूरी ना होई जाण तां तिकर तिन्हा सारे जणेया ने अपणा हक तिस ड्रोणे जानवर जो देई दित्तेया थिया।”
से ड्रोणे जानवर, ते तिसेरे कन्ने से भविष्यद्वक्ता पकड़ेया गेया। झूठ्ठे भविष्यद्वक्ता ने तिस ड्रोणे जानवर रे पास्से का लोक्कां जो बड़े वरी चमत्कार दिखाए ते लोक्कां जो भटकाई दित्तेया जिन्हा ने तिस ड्रोणे जानवर री छाप लित्ती थी ते तिसेरी मूर्ति री पूजा कित्ती थी। से झूठ्ठा भविष्यद्वक्ता ते से ड्रोणा जानवर तिस आग्ग ते गन्धक रे समुंदर बिच सूटी दित्ते गे।
फिरी मैं सिहांसन दिख्खे, ते तिन्हा पर मणू बेई गे, ते तिन्हा जो इंसाफ करणे रा हक्क दित्तेया गेया, मैं तिन्हा री आत्मा जो भी दिख्खेया, जिन्हेरे सिर यीशु री ग्वाही दैणे ते परमेश्वर रे वचन रे वजह कने कटी दित्ते गे, ते जिन्हा ने ना तिस ड्रोणे जानवर री ते तिसेरी मूर्ति री पूजा कित्ती थी, ते ना तिसेरी छाप अपणे मत्थे ते हत्थां पर लित्ती थी, से जिन्दे होई करी मसीह यीशु कने हजार साल्लां तिकर राज करदे रेय।
ကြော်ငြာတွေ