प्रकाशित वाक्य 13:14 - चम्बयाली नौआ नियम14 तिन्हा चिन्ह-चमत्कारां री वजह कने जिन्हा जो उस ड्रोणे जानवर रे सामणे दिखाणे रा हक तिसजो दित्तेया गेया थिया, से धरती बिच रैह्णे वाले लोक्कां जो इस तरिक्के कने भटकान्दा थिया, कि धरती रैह्णे वालेयां जो बोलदा थिया, कि जिस जानवर री तलवार लग्गी री थी, से जी गेया, तिसेरी मूर्ति बणाओ। အခန်းကိုကြည့်ပါ။ |
प्रकाशित वाक्य 13:14
29 ပူးပေါင်းရင်းမြစ်များ
फिरी इसेरे बाद इक्क होर तिजा स्वर्गदूत ए बोलदे आया, कि जे कोई तिस ड्रोणे जानवर ते तिसेरी अराधना करगा, अते अपणे मत्थे या अपणे हत्थां पर तिसेरी छाप लिंगा तां तिसजो परमेश्वर का बड़ी वरी सजा मिलणी। ए इदेया होणा कि जिय्यां तिन्हा ने निरा अंगूर रा रस्स पी लित्ते रा हो जे परमेश्वर रे गुस्से जो दर्शांदा हो। परमेश्वर ने फुकिंदे गंधरस कने इन्हा लोक्कां जो स्वर्गदूतां ते “उरणू” रे सामणे तकलीफ दुआणी।
तां मैं किच्छ दिख्खेया, जे समुंद्र जदेया सीसा सांई चमकेया करदा थिया ते से आग्ग कने मिल्ले रा थिया। मैं तिन्हा लोक्कां जो भी दिख्खेया जे शैतान का हारे नी थिये। तिन्हा ने शैतान ते तिसेरी मूर्ति री अराधना नी कित्ती थी, ते तिन्हा ने शैतान रे नां री छाप भी नी लित्ती थी। से मणू तिस समुंद्र रे किनारे पर से वीणा अपणे हत्थां बिच लेई करी खड़ित्ते रे थिये जे परमेश्वर ने तिन्हा जो दित्ते थिये।
से ड्रोणे जानवर, ते तिसेरे कन्ने से भविष्यद्वक्ता पकड़ेया गेया। झूठ्ठे भविष्यद्वक्ता ने तिस ड्रोणे जानवर रे पास्से का लोक्कां जो बड़े वरी चमत्कार दिखाए ते लोक्कां जो भटकाई दित्तेया जिन्हा ने तिस ड्रोणे जानवर री छाप लित्ती थी ते तिसेरी मूर्ति री पूजा कित्ती थी। से झूठ्ठा भविष्यद्वक्ता ते से ड्रोणा जानवर तिस आग्ग ते गन्धक रे समुंदर बिच सूटी दित्ते गे।
तिन्हा जुल्मां का मत डरो जे तुसा पर होणे वाले हिन। शैतान ने अपणे किच्छ लोक्कां का तुसा बिच रे किच्छ मणूआं जो पकड़वाणा ते कैद बिच ढपवाणा ताकि से तुसा पर जुल्म करी सके। तुसा ने दस दिन तिकर बड्डी-बड्डी मुसीबतां सहन करणी। पर कदी मेरे पर विश्वास करणे बिच हार मत मनदे भले ही तुसा जो मारी दित्तेया जाए। किजोकी मैं तुसा जो तुसा री जीत तांइ हमेसा री जिन्दगी रा ईनाम दैणा।
ကြော်ငြာတွေ