प्रकाशित वाक्य 13:11 - चम्बयाली नौआ नियम

¹¹ फिरी मैं इक्क ड्रोणे जानवर जो धरती का निकलदे दिख्खेया, तिस “उरणू” सांई दो सींग थिये, ते से अजगर सांई बोलदा थिया।

प्रकाशित वाक्य 13:11 ပူးပေါင်းရင်းမြစ်များ

मत्ती 7:15

“झूठे भविष्यद्वक्ता का बच्ची रेयो, जे भेड़ां रे भेस अन्दर तुसा का आन्दे, पर अन्दर का से खूंखार भेड़िए सांई हिन।”

रोमियों 16:18

किजोकी ऐसे मणू प्रभु मसीह यीशु री सेवा अपणे मतलब तांइ करदे, से अपणे मतलब जो पूरा करणे तांइ मिठ्ठी-मिठ्ठी गल्लां बोल्ली करी, भोले भाले लोक्कां जो धोखा दिंदे।

2 थिस्सलुनीकियों 2:4

तिनिये परमेश्वर रे ते हर इक्क तिस चीज रे खिलाफ होणा मणू जिसेरी अराधना करदे ते तिनिये ए दावा करणा कि से तिन्हा सारेयां का जादा बड्डा है। इत्ते तिकर कि तिस दुष्ट ने मन्दिर बिच भी बेई जाणा ते सारेयां जो ए बोलणा कि से अप्पु ही परमेश्वर है।

प्रकाशित वाक्य 11:7

जां से दो गवाह अपणी गवाई देई बैह्णा, तां तिस ड्रोणे जानवर ने जिनिये पताल बिच का निकलणा, तिस कने लड़ी करी तिन्हा का जीत्ती जाणा ते तिन्हा जो मारी रखणा।

प्रकाशित वाक्य 12:17

इसेरे नतीज्जे रे तौर पर, से अजगर जो तिस जनानी पर बड़ा वरी गुस्सा आया। इधेरे तांइ तिनिये तिस जनानी रे ‍खानदान रे खिलाफ इक्क लड़ाई रा एलान करी दित्तेया। ए से मणू होणे जे परमेश्वर रे हुकम मुताबिक चलदे ते तिन्हा सच्ची शिक्षां पर बणी रैह्‍न्दे जे मसीह ने सिखाए री हिन।

प्रकाशित वाक्य 13:1

तां मैं इक्क बड़े ड्रोणे जानवर जो समुंद्र बिच का निकलदे दिख्खेया। तिसेरे दस सींग ते सत्त सिर थिये, तिसेरे हर इक्क सिर पर इक्क मुकुट थिया, ते तिसेरे हर इक्क सिर इक्क इदेया नां लिख्खे रा थिया जे परमेश्वर तांइ बेजती है।

प्रकाशित वाक्य 13:17

कि तिसजो छड्डी जिस पर छाप मतलब उस जानवर रा नां, या तिसेरे नां रा अंक हो, अते कोई लैण दैण ना करी सके।

प्रकाशित वाक्य 13:4

ते तिन्हा ने अजगर री पूजा कित्ती, किजोकी तिसने जानवर जो अपणा हक देई दित्तेया थिया, अते ए बोल्ली करी ड्रोणे जानवर री अराधना कित्ती, कि इस जानवर रे बराबर कुण है? कुण तिस जानवर कने लड़ी सकदा? परमेश्वर ने तिसजो अपणी बताली महिन्ने तांइ बोलणे ते तिन्हेरी बेजती करणे री अनुमती दित्ती।

प्रकाशित वाक्य 16:13

तिसेरे बाद मैं तिस अजगर रे मुँह का ते तिस ड्रोणे जानवर रे मुँह का ते तिस झूठ्ठे भविष्यद्वक्ता रे मुँह का त्रै दुष्टात्मां जो मेढकां रे रुप बिच निकलदे दिख्खेया।

प्रकाशित वाक्य 17:6

ते मैं दिख्खेया कि से जनानी परमेश्वर रे लोक्कां रे खून कने इदेइ मतवाल्ली होए री थी कि जिय्यां मणू सराब पीणे कने हुंदे, तिन्हा लोक्कां रे खून कने जे इधेरे तांइ मारे गे किजोकी से परमेश्वर तांइ भरोस्सेमंद थिये। मेरे जो बड़ा वरी दुख होया।”

प्रकाशित वाक्य 17:8

जे ड्रोणा जानवर तैं अब्बे दिख्खेया, से पैल्ले कदी जिन्दा हुंदा थिया, पर अवे से मरी गे रा है, इनिये पताल का बाहर आणा ते परमेश्वर ने तिसजो हमेसा तांइ मुकाई दैणा। जे मणू धरती पर रेया करदे हिन, जिन्हेरे नां परमेश्वर ने अपणी जिन्दगी री कताब बिच नी लिख्खे रे हिन, तिन्हा लोक्कां ने तिस जानवर जो दिख्खी करी बड़ा हैरान होणा। से कदी जिन्दा हुंदा, पर अवे से मरी गे रा है, पर तिनिये फिरी वापिस आणा।