प्रकाशित वाक्य 13:10 - चम्बयाली नौआ नियम

¹⁰ जिन्हेरे भाग्य बिच कैद बिच पैणा है, तिन्हा ने कैद होणा ही होणा, जिन्हेरा तलवार कने मरणा तय है, तिन्हा ने तलवार कने मरणा ही मरणा। इधेरे तांइ पवित्र मणूआं रा सारी मुसीबतां जो सहन करणा ते सबर कने विश्वास बिच बणी रैह्णा जरुरी है।

प्रकाशित वाक्य 13:10 ပူးပေါင်းရင်းမြစ်များ

मत्ती 26:52

तां यीशु ने तिसजो बोल्लेया, “अपणी तलवार म्यान बिच रख्खी लै, किजोकी जे तलवार चलादें से सारे तलवार कने खत्म कित्ते जाणे।

मत्ती 7:2

किजोकी जिय्यां तुसा लोक्कां पर इल्जाम लांदे, तिय्यां ही परमेश्वर ने भी तुसा पर इल्जाम लाणा, अते जिस तरिक्के कने तुसा लोक्कां पर इल्जाम लांदे, तिस्सी तरिक्के कने तुसा पर भी इल्जाम लाया जाणा।

लूका 21:19

पर सबर कने तुसा अपणी जिन्दगी बचाए रखणी।

कुलुस्सियों 1:11

मैं प्रार्थना करदा कि परमेश्वर री महिमा री ताकत रे मुताबक, हर किस्मे री ताकत कने मजबूत हुन्दे जाओ, ताकि तुसा बड़े सबर कने ते खुसी-खुसी अपणी हर मुसीबत जो सहन करी लेयो।

प्रकाशित वाक्य 1:9

मैं यूहन्ना सबर कने तुसा कने तिन्हा जुल्मां जो सहन करणे बिच तुसा रा साथी है जे असा पर मसीह कने रिस्ता होणे री वजह हुंदे, ते मैं परमेश्वर रे राज बिच तुसा रा साथी है। परमेश्वर रा बसेख सुनाणे ते यीशु रे सच्चे वचन रा प्रचार करणे री वजह कने रोमी साम्राज्य रे अधिकारियां ने मेरे जो पतमुस टाप्पु पर भेज्जी दित्ते रा है।

प्रकाशित वाक्य 11:18

ते जे मणू तुसा बिच विश्वास नी करदे, तिन्हा ने बड़ा गुस्सा कित्तेया, पर अवे से समय आई गे रा है कि तुसा अपणा गुस्सा दिखाओ, ते से बेल्ला आई चुके रा है कि तुसा मुर्देयां रा भी हिसाब-किताब करो। से समय आई गे रा कि तुसा रे सेवादार, भविष्यद्वक्तां ते सारे लोक्कां जो ईनाम दित्तेया जाए, हर इक्क जणे जो, जिन्हा जो तुसा बिच श्रद्वा है से चाए छोट्टे हो या बड्डे। से वक्त आई गे रा है कि तिन्हा सारेयां जो बर्बाद करी दित्तेया जाए, जे धरती जो बर्बाद करदे।

प्रकाशित वाक्य 14:12

इधेरे तांइ जरुरी है कि पवित्र मणू सबर कने तिस मुसीबतां जो सहन करदे रैह्ण। तिन्हा ने से करणा जिसेरा हुकम परमेश्वर रा दित्ते रा हो, ते से मसीह यीशु पर विश्वास करणा ना छड्डे।

प्रकाशित वाक्य 16:6

किजोकी तिन्हा ने परमेश्वर रे लोक्कां ते भविष्यद्वक्तां रा खून बहाया थिया ते तुसा ने तिन्हा जो खून पुआया किजोकी से इसी जोग्गे हिन।

प्रकाशित वाक्य 17:11

जे ड्रोणा जानवर पैल्ले जिन्दा थिया, ते अवे मरी चुके रा है, से अप्पु अठमा राज्जा है, ते तिन्हा सत्त बिच का ही है। ते आखिर बिच से राज्जे जो भी हमेसा तांइ सजा मिलणी।

प्रकाशित वाक्य 17:8

जे ड्रोणा जानवर तैं अब्बे दिख्खेया, से पैल्ले कदी जिन्दा हुंदा थिया, पर अवे से मरी गे रा है, इनिये पताल का बाहर आणा ते परमेश्वर ने तिसजो हमेसा तांइ मुकाई दैणा। जे मणू धरती पर रेया करदे हिन, जिन्हेरे नां परमेश्वर ने अपणी जिन्दगी री कताब बिच नी लिख्खे रे हिन, तिन्हा लोक्कां ने तिस जानवर जो दिख्खी करी बड़ा हैरान होणा। से कदी जिन्दा हुंदा, पर अवे से मरी गे रा है, पर तिनिये फिरी वापिस आणा।

प्रकाशित वाक्य 2:19

मैं जाणदा कि तुसा इक्क-दूए कने प्यार करदे ते तुसा मेरे पर बड़ा वरी विश्वास करदे। मैं जाणदा कि तुसा किय्यां इक्क-दूए री मदद करदे, ते तुसा रे सबर कने सहन करणे री खूबी जो भी मैं जाणदा। मैं जाणदा कि तुसा अवे ए सब किच्‍छ तिस समय का जादा करेया करदे हिन जां तुसा पैल्ली वरी मेरे पर विश्वास कित्तेया थिया।

प्रकाशित वाक्य 2:2

मैं जाणदा कि तू कै करदा। तू बड़ी जी-हजुरी कने मेरा कम्म करदा, तू मेरे पर अपणे विश्वास री वजह कने जुल्मां जो भी बड़े सबर कने सहन करदा। मैं जाणदा कि तू दुष्ट लोक्कां री झूठ्ठी शिक्षा जो बर्दाश नी करदा। तू तिन्हा लोक्कां जो परखे रा है जे ए बोलदे कि से प्रेरित हिन पर हकीकत बिच से नी हिन, ते तू जाणदा कि से झूठ्ठे हिन।

प्रकाशित वाक्य 3:10

इधेरे तांइ तुसा ने सबर कने जुल्मां जो सैह्णे रा मेरा हुकम मन्नेया। तिस वजह कने, मैं तुसा जो परिक्षा रे समय बिच बचाणा। ए परिक्षा रा समय दुनिया रे हर इन्सान री जिन्दगी बिच आणा।

प्रकाशित वाक्य 3:3

तिन्हा शिक्षां जो याद करो जे तुसा ने लम्बे समय पैल्ले सुणी ते मन्नी थी। जे गल्लां तुसा जो सिखाई गे थी, तिन्हेरे मुताबिक चलो, अपणी लापरवाही का तौबा करो। जे अगर तुसा अपणी लापरवाही का बाज नी आए, तां मैं कुसकी चोर सांई चाणचक्के ही आणा, ते तुसा जो तिस बेल्ले रा पता भी नी चलणा जां मैं अचानक ही तुसा जो सजा दैणे तांइ आई जाणा।