प्रकाशित वाक्य 13:1 - चम्बयाली नौआ नियम

¹ तां मैं इक्क बड़े ड्रोणे जानवर जो समुंद्र बिच का निकलदे दिख्खेया। तिसेरे दस सींग ते सत्त सिर थिये, तिसेरे हर इक्क सिर पर इक्क मुकुट थिया, ते तिसेरे हर इक्क सिर इक्क इदेया नां लिख्खे रा थिया जे परमेश्वर तांइ बेजती है।

प्रकाशित वाक्य 13:1 ပူးပေါင်းရင်းမြစ်များ

प्रकाशित वाक्य 11:7

जां से दो गवाह अपणी गवाई देई बैह्णा, तां तिस ड्रोणे जानवर ने जिनिये पताल बिच का निकलणा, तिस कने लड़ी करी तिन्हा का जीत्ती जाणा ते तिन्हा जो मारी रखणा।

प्रकाशित वाक्य 12:3

ते इक्क होर निशानी आसमान बिच दिस्सि, अते दिखो, इक्क बड़ा बड्डा लाल अजगर थिया जे शैतान है, जिसेरे सत्त सिर अते दस्स सींग थिये, ते सिरां पर सत्त राज मुकुट थिये।

प्रकाशित वाक्य 13:11

फिरी मैं इक्क ड्रोणे जानवर जो धरती का निकलदे दिख्खेया, तिस “उरणू” सांई दो सींग थिये, ते से अजगर सांई बोलदा थिया।

प्रकाशित वाक्य 13:14

तिन्हा चिन्ह-चमत्कारां री वजह कने जिन्हा जो उस ड्रोणे जानवर रे सामणे दिखाणे रा हक तिसजो दित्तेया गेया थिया, से धरती बिच रैह्णे वाले लोक्कां जो इस तरिक्के कने भटकान्दा थिया, कि धरती रैह्णे वालेयां जो बोलदा थिया, कि जिस जानवर री तलवार लग्गी री थी, से जी गेया, तिसेरी मूर्ति बणाओ।

प्रकाशित वाक्य 13:15

तिसजो उस जानवर री मूर्ति बिच जान पाणे रा हक दित्तेया गेया, कि जानवर मूर्ति बोलणे लग्गी पे, अते जितणे मणू उस जानवर री मूर्ति री पूजा नी करगे, तिन्हा जो मारी दैण।

प्रकाशित वाक्य 15:2

तां मैं किच्‍छ दिख्खेया, जे समुंद्र जदेया सीसा सांई चमकेया करदा थिया ते से आग्ग कने मिल्ले रा थिया। मैं तिन्हा लोक्कां जो भी दिख्खेया जे शैतान का हारे नी थिये। तिन्हा ने शैतान ते तिसेरी मूर्ति री अराधना नी कित्ती थी, ते तिन्हा ने शैतान रे नां री छाप भी नी लित्ती थी। से मणू तिस समुंद्र रे किनारे पर से वीणा अपणे हत्थां बिच लेई करी खड़ित्ते रे थिये जे परमेश्वर ने तिन्हा जो दित्ते थिये।

प्रकाशित वाक्य 16:13

तिसेरे बाद मैं तिस अजगर रे मुँह का ते तिस ड्रोणे जानवर रे मुँह का ते तिस झूठ्ठे भविष्यद्वक्ता रे मुँह का त्रै दुष्टात्मां जो मेढकां रे रुप बिच निकलदे दिख्खेया।

प्रकाशित वाक्य 17:16

से समय आणा जां तिस ड्रोणे जानवर ते तिन्हा दस राज्जेयां ने, जे अब्बे तिस कने हिन, पर बाद बिच तिस कने नफरत करणी जे तिन्हेरे उप्पर बैठ्ठे री है। तिन्हा ने तिस पर हमला करणा, तिसेरे मांस जो खाई रखणा ते बाक्की रा फुक्की रखणा।

प्रकाशित वाक्य 17:3

तां पवित्रात्मा री मदद कने स्वर्गदूत मेरे जो बियाबान बिच लेई गेया, ते मैं इक्क जनानी जो लाल रांग रे ड्रोणे जानवर री सवारी करदे दिख्खेया। तिसेरे सत्त सिर ते दस सींग थिये। तिसेरे पूरे सरीर पर इदेय नां लिखित्ते रे थिये जिस कने परमेश्वर री बेजती हुंदी हो।

प्रकाशित वाक्य 17:5

तिसेरे मत्थे पर इक्क इदेया नां लिखित्ते रा थिया जिसेरा इक्क गुप्त मतलब लिखित्ते रा थिया, “बेबिलोन, महान सहर, सारे व्यभिचारियां री मां, ते पूरी दुनिया रे घटिया अश्लील कम्मां रा जरिया।

प्रकाशित वाक्य 19:19

फिरी मैं तिस ड्रोणे जानवर ते धरती रे राज्जेया ते तिन्हेरी सैना जो तिस घोड़े रे सवार ते तिसेरी सैना कने लड़ने तांइ कठ्ठे दिख्खेया