प्रकाशित वाक्य 12:7 - चम्बयाली नौआ नियम

⁷ फिरी स्वर्ग बिच लड़ाई होई, मीकाईल अते तिसेरे स्वर्गदूत अजगर कने लड़ने तांइ निकले, ते अजगर अते तिसेरे दूत तिस कने लड़े।

प्रकाशित वाक्य 12:7 ပူးပေါင်းရင်းမြစ်များ

मत्ती 13:41

मणू रे पुत्तर, जे मैं ही है, ने अपणे स्वर्गदूतां जो भेजणा, अते तिन्हा मेरे राज बिच का सब पापियां जो अते उन्हा जो, जे पाप करणे री वजह बणदे थिये, तिन्हा जो इकट्ठा करणा।

मत्ती 16:27

किजोकी मणू रा पुत्तर, जे मैं ही है अपणे स्वर्गदूतां कने अपणे पिता री महिमा बिच आणे वाला है तां तिन्ने हर इक्क मणू जो तिसेरे कम्मां रे हिसाब कने ईनाम दैणा।

मत्ती 24:31

तिन्हा ने तुरही री बड़ी अवाज कने अपणे स्वर्गदूतां जो अग्गे भेजणा, ते तिन्हा आसमान रे इस कुणे का लेई करी तिस कुणे तिकर, चारों पास्से का तिन्हेरे चुणे रे लोक्कां जो कठेरणा।

मत्ती 25:41

तां मैं पुठ्ठे पास्से वालेयां लोक्कां कने बोलणा ओ अभागे लोक्कों! मेरे का दुर चली जाओ, अते जे आग्ग परमेश्वर ने शैतान ते तिसेरे दूतां तांइ तैयार कित्ती, उस हमेसा तिकर बलणे वाली आग्ग बिच पेई जाओ।

मत्ती 26:53

कै तू नी जाणदा की मैं अपणे पिता का बिनती करी सकदा, ते से स्वर्गदूतां री बारां पलटन का जादा अब्बे ही हाजिर करी सकदा।

2 कुरुन्थियों 12:7

मेरे सरीर बिच इक्क बड़ी वरी पीड़ कुसकी कंडे सांई लग्गे री है, ते शैतान रा इक्क दूत मेरे जो तड़पांदा रैहन्दा, ताकि मैं परमेश्वर का मिल्ले रे बड़े सारे प्रकाशन पाणे री वजह कने घमंडी ना बणी जां।

2 थिस्सलुनीकियों 1:7

किजोकी तुसा दुख-मुसीबतां सहन करेया करदे हिन इधेरे तांइ परमेश्वर ने तुसा ते असा जो अराम दैणा। ए सब किच्‍छ तां होणा जां मसीह यीशु ने अपणे ताकतवर स्वर्गदूतां कने धधकदी आग्ग सांई स्वर्ग का वापिस हटणा।

इब्रानियों 2:10

किजोकी परमेश्वर ने सारा किच्‍छ बणाया, ते सारा किच्‍छ तिन्हेरा ही है। परमेश्वर ने फैसला लित्ता, कि मते लोक्कां जो अपणी महिमा बिच हिस्सा दैणे तांइ, प्रभु यीशु जुल्म सहे, ताकि जुल्म सहणे रे जरिये से सिद्व बणी जाए, किजोकी यीशु ही छुटकारा मिलणे रा जरिया है।

2 पतरस 2:4

तुसा जाणदे कि जां बड़े लम्बे समय पैल्ले शैतान रे दूतां ने परमेश्वर रे हुकम री ना-फरमानी कित्ती थी, तां परमेश्वर तिन्हा जो तिन्हेरे कम्म तांइ सजा दित्ती थी। तिन्हा ने उन्हा सारेयां जो नरक बिच सूटी दित्तेया, ते तित्ते तिस दिन तिकर कैद करी रखणा जां तांइ से तिन्हा का हिसाब-किताब लेई सजा नी दिंदे।

यहूदा 1:9

पर इत्ते तिकर कि प्रधान स्वर्गदूत मीकाईल ने इन्हा अभक्त लोक्कां सांई कोई कम्म नी कित्तेया। जां शैतान मीकाईल कने बैह्स करेया करदा थिया कि तिन्हा दोन्नां बिच का कुण मूसा रे सरीर जो दब्बी सकदा। तां भी मीकाईल स्वर्गदूत ने इन्हा सबणी लोक्कां का जादा हक होणे रे बावजूद भी तिनिये शैतान जो गलत गल्लां नी बोल्ली, पर तिनिये ए बोल्लेया, “परमेश्वर तिज्जो झिड़के।”

प्रकाशित वाक्य 12:8

से अजगर ते तिसेरे दूत तिस लड़ाई जो हारी गे ते तिन्हा जो स्वर्ग का कड्डी दित्तेया गेया।

प्रकाशित वाक्य 12:9

तां तिस अजगर ते तिसेरे दूत जो धरती पर सूटी दित्तेया गेया। से अजगर ओ ही है जिस जो पैल्ले-पैल्ले कीड़ा भी बोल्लेया गेया थिया, जिसेरा नां शैतान। एह् ओई है जे दुनिया रे लोक्कां पर इल्जाम लगांदा अते भटकाया करदा है।

प्रकाशित वाक्य 13:7

तिस ड्रोणे जानवर जो ए हक दित्तेया गेया, कि पवित्र मणूआं कने लड़े, ते तिन्हा जो हराई दे, अते तिसजो हर इक्क जाति, कुल, देस, ते भाषा पर हक दित्तेया गेया।

प्रकाशित वाक्य 20:2

तिसने अजगर जो पकड़ेया जे पैल्ले कीड़े रे रुप बिच भी जाहिर होया थिया, ते जिस जो शैतान भी बोलदे। तिस स्वर्गदूत ने तिसजो झंझिरां बिच बन्नेया तिसजो पताल बिच कैद करी दित्तेया। तिसजो कैद बिच पाणे का बाद तिसने दुआर पर निशानी लाई दित्ती ताकि तिसका बाहर आणे तांइ रस्ता ना रे, इधेरे तांइ हजार साल्लां तांइ तिसका देस-देस रे लोक्कां जो भटकाणे रा कोई रस्ता नी रेया। जां से समय मुकी जाए, तां से अजाद कित्तेया जाए, पर सिर्फ थोड़े समय तांइ।”